Miss Mutesi Jolly yayiguze Miliyoni 10 Frw! Uko Album ya Platini na Nel Ngabo yakiriwe ku munsi wa mbere -AMAFOTO+VIDEO

Iki gitaramo cyitabiriwe n'abayobozi mu nzego zinyuranye barimo Minisitiri w’Ububanyi n’Amahanga n’Ubutwererane, Amb. Olivier Nduhungirehe; Minisitiri wa Siporo, Nelly Mukazayire; Meya w’Akarere ka Bugesera, Richard Mutabazi n’abandi.

Hari kandi ibyamamare bitandukanye nka Bruce Melodie, Coach Gaël, Kabanda Jado, Element EleéeH, Kevin Kade, Clement Ishimwe, Knowless Butera, King James, Miss Mutesi Jolly, Alyn Sano, Mutesi Scovia, Junior Rumaga, Da Rest, Zuba Ray, Diez Dola, Kivumbi King, Juno Kizigenza, Prophet Joshua, abahoze bagize itsinda rya Kigali Boss Babes, n’abandi.

Nyuma y’uko Nel Ngabo na PlatiniP bari bamaze gutaramira abitabiriye iki gitaramo binyuze mu ndirimbo zitandukanye bakoze bafashe akanya ko kumvisha abitabiriye zimwe mu ndirimbo zigize album yabo bise ‘Vibranium’.

Umwanya wari utegerejwe na benshi wageze Nel Ngabo agarukana na Platini P bafata umwanya wo kumvisha abitabiriye zimwe mu ndirimbo zigize iyi album. Aba bahanzi bifashishije DJ acuranga indirimbo zose uko ari umunani zigize iyi album kuva kuri A lavie, Hoza, Look at You, Shuga, Disoda, Chocolate, Notre Histoire na We made it.

Nyuma y’uko indirimbo zirangiye, Platini P yafashe umwanya abaza abitabiriye uko bakiriye izi ndirimbo. Abenshi bagaragaje ko banyuzwe cyane n’indirimbo zirimo, Hoza , Notre Histoire na We made it. Izi ndirimbo nizo zasubijwemo kugira ngo abitabiriye bongereye bazumve neza kuko bumvaga bakinyotewe nazo.

Nyuma y’uko abitabiriye banyuzwe na album abafite agatubutse bitanze bagira umusanzu bashyira kuri iyi album wageze kuri miliyoni 26Frw.

Aya ni amafranga yatanzwe n’abarimo Miss Mutesi Jolly washimiye Ishimwe Clement umaze imyaka 20 atunganya umuziki, yitanga Miliyoni 10 Frw kuri iyo album.

Miss Mutesi Jolly yakurikiwe na Propet Joshua witanze Miliyoni 5Frw , Uncle Austin we yatanze Miliyoni 1Frw, Umuyobozi wa Kefa Sports [Murumuna wa Ishimwe Karake Clement] we yatanze Miliyoni 10Frw.

Ni igikorwa cyanyuze benshi mu bitabiriye bagaragaza ko banyotewe no kongera kumva izi ndirimbo binyuze ku mbuga zitandukanye zicurangirwaho umuziki.

Icyakora nubwo iyi album ari iy'abahanzi babiri bahishuye ko hariho ibitekerezo by'abarimo Butera Knowless ubarizwa muri Kina Music na Ishimwe Clement.

Album ya Nel Ngabo na Nel Ngabo igizwe n'indirimbo umunani. Ni album yakozwe n'abahanga mu gutunganya imiziki barimo Element, Devy Denko, Mamba na Clement.

Nyuma yo kumurika iyi Album, Platini yabwiye InyaRwanda ko ari kimwe mu bikorwa bimushimishije mu buzima bwe. Ati “Ndishimye cyane kuba njye n’umuvandimwe tubashije kumurika iyi Album imbere y’abayobozi, inshuti, abavandimwe, abahanzi n’abandi badushyigikiye. Kari akazi katoroshye.”

Miss Mutesi Jolly yaguze Album ya Platini na Nel Ngabo Miliyoni 10 Frw, ashimira Producer Ishimwe Karake Clement umaze imyaka 20 mu muziki

Minisitiri w’Ububanyi n’Amahanga n’Ubutwererane, Amb. Olivier Nduhungirehe yitabiriye kumurika album ya Platini na Nel Ngabo “Vibranium”

 
Minisitiri wa Siporo, Nelly Mukazayire wifatanyije n’abahanzi mu gitaramo cyo kumurika album “Vibranium” 

Meya w’Akarere ka Bugesera, Richard Mutabazi ari mu bitabiriye kumurika album nshya ya Platini na Nel Ngabo

Bruce Melodie yari mu bahanzi b’imena bitabiriye kumurika “Vibranium”- Aha yari kumwe na Jado Kabanda washinze Isibo Radio/TV

Uhereye ibumoso: Jado Kabanda, Bruce Melodie ndetse na Ishimwe Karake Clement washinze Kina Music

Uhereye ibumoso: Kenny Mugarura uyobora 1:55 AM, Jado Kabanda, Bruce Melodie, Coach Gae ndetse na Gacinya Denis wayoboye Rayon Sports

Umuraperi Mistaek ari kumwe na mugenzi we Olvis muri iki gitaramo cya Platini na Nel Ngabo

Element EleéeH, Producer wakoze indirimbo muri album “Vibranium”, yanitabiriye imurikwa ryayo

Clement Ishimwe, Producer n’Umuyobozi wa Kina Music, umwe mu bagize uruhare mu itunganywa rya “Vibranium” 

Knowless Butera, umuhanzikazi wa Kina Music wagize uruhare mu bitekerezo by’iyi album

Umunyamakuru wa B&B Kigali FM, Uwimana Clarisse

Umunyamakuru akaba n'umushyushyarugamba, David Bayingana

Muyoboke Alex aganira na King James

King James yifatanyije na bagenzi be mu gitaramo cyo kumurika “Vibranium”

Alyn Sano, umuhanzikazi witabiriye kumurika album nshya ya Platini na Nel Ngabo.

Umunyamakuru akaba n’umuyobozi wa RMC, Mutesi Scovia ari mu bitabiriye kumurika “Vibranium”

Zuba Ray: Umuhanzi witabiriye kumurika album “Vibranium”, ndetse anaririmba muri iki gitaramo 

Diez Dola: Umuhanzi wari mu bitabiriye kumurika album nshya ya Platini na Nel Ngabo

Kivumbi King: Umuhanzi witabiriye kumurika album nshya 

Juno Kizigenza: Umuhanzi wari mu rubyiniro rwa Zaria Court ashyigikira “Vibranium”

Minisitiri Nduhungirehe na Minisitiri Nelly Mukazayire bashimye Album ya Platini na Nel Ngabo

Prophet Joshua: Yatanze Miliyoni 5 Frw ku rwego rwo gushyigikira album ya Platini na Nel Ngabo

Uncle Austin: Umuhanzi witanze Miliyoni 1 Frw kuri album ya Platini na Nel Ngabo

Coach Gael ari kumwe na Murumuna we Kenny Mugarura

Coach Gael aganira na Mutesi Scovia washinze Mama Urwagasabo

Umuyobozi wa Kefa Sports: Murumuna wa Clement Ishimwe watanze Miliyoni 10 Frw mu rwego rwo gushyigikira Nel Ngabo na Platini

Aissa Cyiza uyobora Royal FM ari kumwe n'umunyamakuru Cyuzuzo 

Nkusi Arthur aganira n'umunyamakuru, Luckman Nzeyimana

KANDA HANO UREBE IKIGANIRO TWAGIRANYE NA BUTERA KNOWLESS

KANDA HANO UREBE: PLATINI NA NEL NGABO BAMURITSE ALBUM BAKORANYE YITWA 'VIBRANIUM'

KANDA HANO UREBE AMAFOTO MENSHI YARANZE KUMURIKA ALBUM YA PLATINI NA NEL NGABO

AMAFOTO: Serge Ngabo & Karenzi Rene -InyaRwanda.com

VIDEO: Dox Visaul -InyaRwanda.com