Miss Elsa Iradukunda yagiriye ibihe byiza muri Pariki y’Akagera-AMAFOTO

Abinyujije kuri Instagram yagize ati: “Nabashije kugera muri Pariki y’Akagera mu mwaka ushize byari ibyishimo, ntekereza ko nzasubirayo kureba Intare kuko isinzira amasaha 20 igahiga 4."

Uburyo Miss Elsa yavuzemo Intare, bigaragara ko mu nyamaswa zose yishimiye cyane Intare akananyurwa n’ibigwi byayo yabwiwe. Yaboneyeho kandi kwifuriza abantu umwaka mushya muhire.

Elsa ati: “Rero kandi umwaka mwiza wa 2023 kuri buri umwe reka mwuzure urukundo, amahoro n’imigisha."

Uyu mukobwa wagiriye ibihe bidasanzwe mu mwaka wa 2022 yafunzwemo azizwa ibyaha bifite aho bihuriye n’ibyo Prince Kid yagizweho umwere, yavutse kuwa 25 Werurwe 1998 mu mujyi wa Kigali, mu bitaro byo kwa Nyirinkwaya.

Ni umwana wa 4 mu muryango w’abana 8; abahungu 2 n’abakobwa batandatu. Uwitwa Nziza Lesley bakaba bari bari kumwe mu Akagera.

Elsa Avuga neza indimi ebyiri zirimo urw’amavuko rw’ikinyarwanda n’icyongereza.

Igifaransa abasha kucyumva, ariko kukivuga si neza. Amashuri y’incuke yayize muri ‘Le Petit Prince’, anahigira igice gito cy’abanza akomereza uwa kane kuzamura muri ‘Centre Scolaire Utunyenyeri’. Amashuri yisumbuye y’umwaka wa mbere n’uwa kabiri yayize mu gihugu cya Uganda muri Mbarara, mbere y’uko akomereza mu Rwanda mu kigo cya ‘King David’ mu mujyi wa Kigali aho yasoreje mu ishami ry’ubuvanganzo, ubukungu n’ubumenyi bw’isi ‘LEG’.

Akunda ibikorwa byo gufasha abatishoboye. Mu buzima busanzwe, akunda umukino wo koga, no gusoma ibitabo bishingiye ku nkuru mpamo.

Yatangiye kwiga koga ubwo yari afite imyaka 10, yinjira mu mwuga wo kwerekana imideli afite imyaka 16. Ise yitwa Mana Samuel naho nyina akitwa Mukandekezi Christine. Afite intego yo kuzagira ikompanyi ikomeye y’ibijyanye n’imideli.Miss Elsa hejuru y'imodoka itwara ba mukerugendo Yifurije abantu umwaka mushya muhireElsa agenda yihera ijisho ibyiza bitatse Pariki y'AkageraMiss Elsa yari kumwe n'abarimo Nziza Lesley murumuna weZimwe mu nyamaswa Elsa yaboneye muri Pariki y'Akagera