Miss Earth 2019: Paulette Ndekwe n'abo bahatanye basukuye inkombe z'umugezi wa Manila-AMAFOTO

Ku wa Gatandatu tariki 28 Nzeri 2019 ni bwo umunyarwandakazi Igiraneza Paulette yahagurutse i Kigali yerekeza muri Philippines aho yagiye guhagararira igihugu mu irushanwa rya Miss Earth 2019 rifite intego yo kurengera ibidukikije.

Uyu mukobwa yamaze kugera muri Philippines asangayo bagenzi be bamutanze kugerayo. Kuri uyu wa mbere abakobwa bahataniye iri kamba hamwe n’abakozi b’ikigo cya Metropolitan Manila Development Authority bakoze igikorwa cyo gusukura inkombe z’umugenzi wa Manila mu rwego rwo gukomeza kurengera ibidukikije.

Mu irushanwa rya Miss Supranational abakobwa bahatana bashyirwa mu matsinda atatu ari ryo iry’umwuka, umuyaga n’amazi, Paulette Ndekwe uhagarariye u Rwanda akaba ari mu ry’amazi.

Umuhango wo gutora uzasimbura Nguyễn Phương Khánh ufite ikamba rya 2018, uzaba tariki 26 Ukwakira 2019 mu ntara ya Naga mu nyubako ya Jesse M. Robredo Coliseum.

Ni ku nshuro ya gatatu u Rwanda rwitabiriye irushanwa rya Miss Earth aho mu 2017 rwaserukiwe na Miss Uwase Hirwa Honorine [Igisabo] naho mu 2018 hakajyayo Umutoniwase Anastasie bose bakaba batarabashije kwitwara neza.

Paulette Ndekwe yafatanyije na bagenzi be gusukura inkengero z'umugezi

Abakobwa bari mu itsinda rimwe na Paulette Ndekewe 

Paulette Ndekwe wa kabiri uturutse ibumuso hamwe na bagenzi be bo mu itsinda ry'amazi

Inkengero z'umugezi wa Manila ziriho imyanda myinshi