Mu itangazo yashyize ahagaragara, MINALOC yasabye inzego
z’ibanze kumenyesha abaturage hakiri kare iby’izo gahunda no gukurikirana
imyiteguro y’amatora kugira ngo azakorwe neza, mu mucyo no mu mutekano.
Iti: “Minisiteri y'Ubutegetsi bw'Igihugu, iramenyesha ko
itariki ya 31/10/2026 yari kuzaberaho umuganda, abaturage bazitabira ibikorwa
bijyanye n'amatora y'Inzego z'Ibanze by'umwihariko ku rwego rw'Akagari.”
Ni mu gihe hari gutegurwa amatora y’abayobozi bazahagararira
abaturage mu nzego zitandukanye.
MINALOC ivuga ko kumenyesha abaturage hakiri kare
bizabafasha kumenya gahunda y’ayo matora no kwitegura kuyitabira.
MINALOC yashimangiye akamaro ko kwitegura hakiri kare no
guhuza ibikorwa by’inzego z’ibanze kugira ngo amatora azagende neza, abaturage
babashe kwitabira iyi nshingano mu buryo bunoze.
