Abantu benshi ku isi yose bayobotse urubuga rwa ‘Whatsapp’, kugeza n’ubwo bumva neza ko nta rundi rubaho rukora nkayo.
Mu gihe iyi ‘Application’ yagize ikibazo ba bantu benshi bayikoreshaga bose babura amakuru, ndetse bagatakaza gahunda bari bafite bagahomba ama miliyoni y’amafaranga bari kubona aturutse mu kazi kabo, kugeza ubwo bamwe bumva ko bibarangiriyeho.
Muri iyi nkuru, tugiye kubabwira izindi “App " zikora neza nka Whatsapp.
1. The Slack
Channel
Iyi ni ‘Application’ ifasha abantu bakorera hamwe cyangwa ahantu hatandukanye kuganira, ikabafasha gusangira ibitekerezo aho buri wese agaragaza uko yumva ibintu.
Ushobora gufungura iyi App uhereye ku gitekerezo
runaka cyangwa ugambiriye guhuza amakuru. Iyi iroroshye kuyikoresha.
2. Telegram
Mu mwanya wa Whatsapp, hari indi app ushobora gukoresha mu rwego rwo kunganirana , kuganira ku kazi kuburyo ushobora kuganira n’abawe nk’uko uganira nabo mukoresheje whatsapp neza.
Telegram nayo ifasha abantu kuba bakora ‘Group’
cyangwa itsinda ugenekereje mu Kinyarwanda, ishobora kujyamo abantu basaga
ibihumbi ijana (100,000 Members).
3. The Signal
Messenger
Iyi nayo igira umutekano w’amabanga y’abaganira cyane kimwe na whatsapp. Ifasha abantu kuganira ndetse no kurinda ibyo bavugana ubwabo, dore ko yo ifite umwihariko wo kutemerera uyikoresha gufata ikizwi nka ‘Screenshoot’.
Iyi ‘Application’ yakozwe
n’uwafashije nyiri gukora Whatsapp, Brian Acton, abinyujije mu cyo yise ‘The
signal Foundation’ ifasha mu guteza imbere itumanaho.
4. Facebook
Messanger
Facebook Messanger ni ubundi buryo bwo gukoresha ukaba
waganira n’abawe mu buryo bworoshye, mu gihe whatsapp yanze gukora nk’uko
ubyifuza.
5. iMessage
Ubu buryo bugaragara gusa ku bantu bafite telefone zo
mu bwoko bwa iPhone. Ubu buryo nabwo busimbura urubuga rwa Whatsapp kuko bukora
neza cyane.
Iyi nkuru ikozwe hagamijwe gukura abantu mu rujijo rwo
kuba mu gihirahiro kubera kubura uburyo bavugana n’ababo, mu gihe urubuga rwa
Whatsapp rwizerwa nabo rwabatengushye.
Inkomoko: www.businesstoday