Menya intungamubiri ziva mu kurya isombe zahariwe abagore bonsa gusa

Isombe iri mu mboga zongera amaraso ku muntu ufite amaraso make ,ni imboga kandi  zirishwa ibiryo bitandukanye kandi zikagira akamaro kenshi mu mubiri wa muntu.

Ni koko isombe yongera amashereka ku babyeyi bonsa,ndetse bakagira imbaraga nyuma yo kubyara,ariko ni imboga zikenewe n'umubiri wa buri wese kandi intungamubiri zikubiyemo zikenewe na buri wese.

Isombe zifite vitamin zitandukanye,zirimo vitamini A ikungahaye mu gufasha amaso kureba neza no kuyasukura.Isombe ifite vitamin B zitandukanye nka B1,B2,B6,B9,zikaba zizizwiho mu gukora imisemburo inyuranye ifasha umubiri gukora neza.

Isombe kandi ifite vitamin C igira uruhare mu kongera ubudahangarwa bw’umubiri.Isombe ifasha umubiri gukora neza ukagira imbaraga,ndetse no kondora umuntu wazahajwe n’indwara ukeneye gukomera mu ngingo.

Izi mboga zikungahaye kuri poroteyine yifashishwa mu kurema ingufu zihagije mu mubiri.Isombe ifasha umuntu urwaye indwara yo gucibwamo,ndetse ikarwanya umuriro,cyangwa ubushyuhe bukabije mu mubiri.

Organic Shoppe itangaza ko imbogarwatsi zirinda indwara zitandukanye zirimo n’inzoka ziryana mu nda ndetse zigafasha urwungano ngogozi rugakora neza.Ababyeyi batwite,bakenera Vitamini C na vitamin B9 biboneka mu isombe ndetse bakenera izi vitamin cyane inda ikiri ntoya na nyuma yo kubyara mu kongera amashereka.Isombe iri mu mboga zikenerwa mu kwita ku buzima bw’abana cyangwa abantu barwaye bwaki,bakagarukana ubuzima bushya.

Imboga z’isombe zigira uruhare runini mu gusohora imyanda yinjiye mu mubiri,bityo igasukura ahangiritse.

 Medical News Today itangaza ko isombe ikoreshejwe kenshi,ikiza indwara ya Arthritis ikunze gufata intoki n’amano bigahengama cyangwa bikabyimba,ndetse n’indwara ya  Osteoporosis yibasira amagufa akamungwa akaba yavunguka cyangwa akavunika,bikagenda byoroha kugeza akize.

Amababi y'isombe atogosheje,umuntu akanywa ikirahuri cy'amazi yayo,akira indwara nyinshi zirimo,umutwe,n'izindi.