Kubyimba ibirenge bituruka ku mpamvu nyinshi ndetse
abantu bagirwa inama yo kwirinda cyane, kugira ngo ubuzima bwabo buzire
umuze. Muri izi mpamvu harimo izo umuntu adashobora kwirinda bitewe n’igihe
agezemo.
1. Indwara y’umutima:
Burya indwara y’umutima nayo ibyimbisha ibirenge. Iyi ndwara ishobora gutuma
umuntu abyimba ibirenge mu gihe umutima utari gutera neza nk’uko byakagenze. Ibi
bizwi nka ‘Cognestive Heart Failure (CHF), ndetse byigaragaza iyo umutima
utarimo gutera neza.
2. Gutwita:
Ibi ni ibisanzwe cyane ku bagore batwite. Abagore benshi iyo batwite babyimba
ibirenge, bikagenda bizamuka cyane uko amezi agenda yiyongera.
3. Indwara y’impyiko:
Iyo umuntu arwaye impyiko aba afite ibyago byo kurwara ibirenge. Iyo impyiko
itarimo gukora neza bituma umubiri ukora mu buryo budasanzwe, ibirenge bikaba
byabyimba mu buryo butunguranye.
4. Impanuka:
Umuntu wagize ibyago byo gukora impanuka ashobora kubyimba ibirenge, gusa yagana
abaganga bakaba bashobora kumufasha.
5. Amaraso:
Hari ubwo amaraso ashobora gukora izingiro akibumbira mu birenge, bigatuma
umuntu arwara ibirenge.
Isoko: www.medicalnewstoday.com