Ibi yabitangaje nyuma y’uko Minisitiri
Nduhungirehe agaragaje ko yanyuzwe n’indirimbo “Done Did It” aherutse gushyira
hanze. Ni ishimwe uyu muhanzikazi afata nk’ikimenyetso cy’uko ibihangano bye
bishobora kugera ku bantu batandukanye, bakabikunda ndetse bikagira icyo
bibasigira.
Minisitiri Nduhungirehe yagaragaje ko
ashimishijwe n’iyi ndirimbo abinyujije ku rubuga rwa X, aho yashimye impano
y’uyu muhanzikazi, amwifuriza gukomeza gukora neza.
Mu kiganiro na InyaRwanda, Angel Mutoni
yavuze ko yakiriye neza ubu butumwa, agaragaza ko gushimwa n’umuntu ufite
inshingano zikomeye mu gihugu ari ikintu cyamukoze ku mutima.
Ati: “Mbyakiriye neza cyane, kandi
ndabishimira. Kuba Minisitiri Nduhungirehe yashimye indirimbo yanjye ni
iby’agaciro gakomeye kuri njye, kuko binyereka ko umuziki nkora ushobora kugera
ku bantu batandukanye kandi ukagira icyo ubasigira.”
Uyu muhanzikazi agaragaza ko gushimwa ku
bw’igihangano cye bitamuhaye ibyishimo gusa, ahubwo byamuhaye n’indi shusho
y’uko umuziki akora ushobora kurenga imbibi z’abo asanzwe aganira na bo,
ukagera ku bantu batandukanye bakawubonamo ubuhanga n’ubutumwa.
Mu rugendo rw’umuhanzi, kubona umuntu yumva
igihangano cye akagaragaza ko yakunze ibyo yakoze bishobora kuba imbarutso yo
gukomeza gushaka udushya, kunoza umwuga no kwagura urwego agezeho.
Kuri Angel Mutoni, ishimwe rya Minisitiri
Nduhungirehe ni kimwe mu bimwongerera imbaraga zo gukomeza urugendo rwe rwa
muzika.
Yakomeje asobanura ko ubu butumwa yabufashe
nk’inkunga imusaba kutadohoka, ahubwo agakomeza gushyira imbaraga mu bihangano
bye.
Ati: “Bintera imbaraga zo gukomeza gukora
cyane, kunoza ibihangano byanjye no gukomeza kuzamura umuziki nyarwanda.
Mbifata nk’inkunga n’ishimwe, ariko nanone nk’inshingano yo gukomeza gutanga
umuziki ufite ireme kandi uhagarariye neza aho mva.”
Ibi bigaragaza ko kuri Angel Mutoni,
gushimwa kw’indirimbo ye atabifata nk’iherezo ry’urugendo, ahubwo abibonamo
inshingano yo gukomeza gutanga ibihangano byiza, bihesha agaciro impano ye
kandi bigira uruhare mu kumenyekanisha umuziki nyarwanda.
Indirimbo “Done Did It” yabaye imwe mu
mpamvu zatumye uyu muhanzikazi agarukwaho nyuma y’uko Minisitiri Nduhungirehe
ayigaragajeho ibyishimo.
Kuri we, ishimwe nk’iri ni ubutumwa
bumwibutsa ko ibikorwa bye bishobora kugera kure kurusha uko abitekereza, bityo
ko agomba gukomeza gukora adacogora.
Angel Mutoni akomeje gufata umuziki
nk’urugendo rusaba umurava, guhanga udushya no guhora unoza ibihangano.
Ashimangira ko inkunga n’ishimwe ahabwa
bimwongerera imbaraga zo gukomeza gukora ibihangano bifite ireme, anifuza ko
umuziki nyarwanda ukomeza kumenyekana no kugera ku bantu benshi.
Angel Mutoni akomeje kwagura urugendo rw'umuziki binyuze mu ndirimbo ashyira hanze mu bihe bitandukanye zikishimirwa
KANDA HANO UBASHE KUREBA INDIRIMBO ‘DONE DIT IT’ YA ANGELL MUTONI