Rutahizamu w'u Bufaransa yasoje irushanwa afite ibitego 10 mu mikino umunani, asiga Lionel Messi wari wamukurikiye n'ibitego umunani. Mbappé yari yanatwaye iki gihembo mu Gikombe cy'Isi cya Qatar cya 2022, aho yari yaratsinze ibitego umunani.
Uyu mukinnyi w'imyaka 27 yahise aba uwa mbere wegukanye Golden Boot mu Gikombe cy'Isi inshuro ebyiri zikurikiranya. Yanabaye umukinnyi wa mbere ugejeje ku ntego 10 mu irushanwa rimwe kuva Umudage Gerd Müller yabigeraho mu mwaka wa 1970.
Mu mateka y'Igikombe cy'Isi, abakinnyi babiri gusa ni bo batsinze ibitego byinshi kurusha Mbappé mu irushanwa rimwe, Umufaransa Just Fontaine watsinze ibitego 13 mu 1958, ndetse na Sandor Kocsis wa Hongiriya watsinze 11 mu 1954.
Mbappé kandi yahise aba umukinnyi umaze gutsinda ibitego byinshi kurusha abandi mu mateka y'Igikombe cy'Isi cy'abagabo, agejeje ku bitego 22, arusha kimwe Lionel Messi ufite 21.
Nubwo yegukanye Golden Boot, mu kiganiro yagiranye n’ibitangazamakuru nyuma y'umukino wabahuje n'u Bwongereza yavuze ko icyifuzo cye cyari ugufasha u Bufaransa kugera ku mukino wa nyuma.
Ati: "Gutsinda ibitego byinshi mu Gikombe cy'Isi ni ibintu bikomeye kandi bizagira uruhare mu mateka yanjye. Ariko nari guhitamo kutaba umukinnyi watsinze byinshi ahubwo nkakina umukino wa nyuma.”
Mbappé yatsinze ibitego bibiri mu mukino wo guhatanira umwanya wa gatatu, nubwo u Bufaransa bwatsinzwe n'u Bwongereza ibitego 6-4. Yanatsinze ibitego bibiri kuri Senegal no kuri Iraq mu matsinda, anatsinda Sweden muri 1/16, Paraguay muri 1/8 ndetse na Morocco muri 1/4.
Mbappé yaciye agahigo ko kwegukana Golden Boot inshuro 2 zikurikiranya mu Gikombe cy'Isi