Mbappé ari hafi kwandika amateka mu Bufaransa nyuma yo gutsinda Brazil

Uyu mukino wakinwe ejo ku wa Kane saa Yine z’Ijoro kuri Gillette Stadium, aho amakipe yombi yakiniye mu rwego rwo kwitegura imikino y’igikombe cy’Isi cya 2026.

Uyu mukinnyi ukinira Real Madrid yatsinze igitego ku munota wa 32, ku mupira mwiza yari ahawe na Ousmane Dembélé, arawuterura awucisha hejuru y’umunyezamu wa Brazil Ederson.

Icyo gitego cyatumye Mbappé agera ku bitego 56 mu mikino 95 amaze gukinira ikipe y’igihugu, asigara arushwa igitego kimwe gusa na Olivier Giroud uyoboye abatsinze ibitego byinshi mu mateka y’u Bufaransa n’ibitego 57.

Mbappé w’imyaka 27 yari amaze iminsi adakina kubera imvune y’ivi, ariko agaragaza ko yagarutse ameze neza.

Uyu mukino wabereye kuri Gillette Stadium, aho amakipe yombi yakiniye mu rwego rwo kwitegura imikino mpuzamahanga iri imbere.

Mbappé asigaje ibitego bibiri agahita aba umukinnyi watsindiye u Bufaransa ibitego byinshi mu mateka