Ibi
abigezeho mu mwaka we wa mbere akinira iyi kipe yo mu Bufaransa, ndetse yegera asatira
agahigo ka Bafetimbi Gomis.
Uyu
mukinnyi w’imyaka 23 ukomoka mu Bwongereza, yabigezeho ku wa Gatandatu ubwo
yatsindaga igitego cy’ingenzi mu mukino Marseille yatsinzemo Le Havre ibitego 3-1,
kuri Stade Océane.
Nyuma
y’uko Issa Soumaré yari amaze kwishyura igitego cya Amine Gouiri, Greenwood
yinjiye mu kibuga maze atsinda igitego gikomeye cyo ku ntera ya metero 25,
atsinze umunyezamu Mathieu Gorgelin, anasiga abafana ba Marseille mu byishimo.
Iki
gitego cyatumye Greenwood atsinda igitego cya 20 muri shampiyona ya Ligue 1,
arusha arusha igitego kimwe, ndetse akuraho agahigo ka Didier Drogba wahoze
akinira Marseille mu mwaka wa 2003–2004, aho yari yaratsinze ibitego 19 muri
shampiyona.
Ubu
Greenwood anganya ibitego na Bafetimbi Gomis wahoze akinira ikipe y’igihugu y’u
Bufaransa, na we ufite ibitego 20. Greenwood ashobora kumusiga ku mukino usoza
shampiyona uzahuza Marseille na Rennes ku wa 17 Gicurasi.
Mu
kiganiro yagiranye na Flashscore, Didier Drogba yavuze ko ari ishema kubona
Marseille yitwara neza mu mwaka wa 2024–25, n'ubwo itigeze itwara igikombe cya
shampiyona. Ati“Ni umwaka mwiza kuri Olympique Marseille,”
“Urebye
ubushobozi ikipe ifite, ugereranyije n’inkunga ifite Marseille, twagize umwaka
ushimishije. Kuba turi ikipe ya kabiri muri shampiyona ni intambwe ikomeye.”
Yakomeje
avuga ko aya mateka mashya ikipe igezeho agomba kwubakirwaho kugira ngo umwaka
utaha uzarushaho kuba mwiza, ashimangira ko byose bishingiye ku mutoza.
Greenwood
yageze muri Marseille ahabwa amahirwe na Roberto De Zerbi, wahoze atoza
Brighton mu Bwongereza. Uyu mutoza yamuhaye icyizere cy’igihe cyose, bituma
amubera umusimbura w’icyizere ku bitego by’ikipe.
Ubu,
Marseille yamaze kubona itike yo kwitabira UEFA Champions League umwaka utaha,
bikaba biteye ibyishimo abakunzi bayo ndetse n’abemera impano ya Greenwood.
