Iyi
myenda yabuze nyuma y’igitaramo cyabaye mu mpera z’icyumweru gishize aho
Madonna yagaragaye nk’umutumirwa udasanzwe, aririmbana na Sabrina Carpenter.
Mu
butumwa yanyujije ku mbuga nkoranyambaga, Madonna yavuze ko iyo myenda ifite
agaciro gakomeye kuri we, ati: “Si imyenda isanzwe, ni igice cy’amateka
yanjye.”
Mu
yabuze harimo ijaketi y’ibara ry’umwura, ndetse n’ikanzu ngufi yari yambaye ku
rubyiniro kuri uwo mugoroba. Yavuze ko yizeye ko hari umuntu ushobora kuyibona
agahita avugisha ikipe ye, ashimangira ko hari igihembo cyateganyirijwe
uzayigarura.
Igituma
iyi myenda iba iy’agaciro kanini ni uko ari imwe mu yo Madonna yari yarigeze
kwambara mu gitaramo cya Coachella cyabaye mu myaka igera kuri 20 ishize,
bikaba byari byongeye kuyigaragaza nk’ihuriro ry’ibihe mu rugendo rwe rwa
muzika.
Amakuru
yatangajwe n’inzego z’umutekano zo mu gace ka Indio muri California, agaragaza
ko iyi myenda n’imitako byaherukaga kugaragara yashyizwe ku igare rito ahagana
saa saba n’igice z’ijoro (01:30).
Bavuga
ko nta bimenyetso bihari byerekana ko byibwe nkana, ahubwo bishobora kuba
byaragwiriye mu nzira bajyaga kubishyira muri bisi.
Uretse
iyo myenda, Madonna yavuze ko hari n’ibindi bintu byo mu bubiko bwe bwite byari
bikozwe muri icyo gihe kimwe nabyo byaburiwe irengero.
Muri
icyo gitaramo, Madonna na Sabrina Carpenter baririmbye indirimbo zakunzwe
zirimo Vogue na Like A Prayer, ndetse Madonna anahishura indirimbo nshya iri
kuri album ateganya gusohora yise Confessions II, izaba ari igice gikurikira
Confessions On A Dancefloor yo mu 2005.
Madonna
akomeje gufatwa nk’umwe mu bahanzi b’abagore bagurishije ibihangano byinshi ku
Isi, ari na yo mpamvu akunze kwitwa “Umwamikazi wa Pop”.
Madonna yashyizeho igihembo ku muntu uzamubonera imyenda y’amateka yaburiye mu gitaramo cya Coachella, ashimangira ko atari isanzwe ahubwo ari igice cy’urugendo rwe rwa muzika. Aha yari kumwe ku rubyiniro na Sabrina Carpenter, ari nayo myenda yambaye ari kurangisha
