Nyong’o yatangaje aya makuru ku wa 24 Nzeri 2026, abinyujije kuri Instagram, aho yashyizeho amashusho ye agenda muri koridoro yambaye imyambaro ya Nairobi City Thunder. Yavuze ko yishimiye kuba umushoramari w’iyi kipe kandi ko yishimiye kuyishyigikira.
Nairobi City Thunder ni ikipe yabaye iya mbere yo muri Kenya kubona itike yo gukina Basketball Africa League (BAL). Mu 2025, iyi kipe yanakinnye imikino yayo ya mbere ya BAL i Kigali, aho yatsinze Made By Ball umukino umwe.
Nyong’o azwi cyane kubera uruhare rwe muri filime nka 12 Years a Slave, yamuhesheje Oscar, ndetse na Black Panther. Kwinjira kwe mu bashoramari ba Nairobi City Thunder bitumye aba umwe mu bantu bazwi ku rwego mpuzamahanga bafite uruhare mu iterambere ry’iyi kipe.
Iyi nkuru yatangajwe kandi mu gihe Nairobi City Thunder yiteguraga gukina imikino ya nyuma ya Kenya National Basketball League (KNBL), aho yari guhura na Kenya Ports Authority (KPA).
Umukinnyi wa filime w’Umunyakenyakazi Lupita Nyong’o, wegukanye igihembo cya Oscar, yatangaje ko yabaye umwe mu bashoramari ba Nairobi City Thunder, ikipe ikina Basketball muri Kenya.