Lil Wayne yavuze ko nubwo buri muhanzi agira impano n'umuhate bimuranga, uruhare Nicki Minaj yagize mu guteza imbere Hip-Hop y'abagore rudashobora kwirengagizwa.
Yavuze ko indirimbo ze zakomeje kuyobora urutonde rw'izakunzwe, agakora ibitaramo bikomeye ku isi ndetse akanagira imibare ishimishije ku mbuga zicuruzwaho umuziki.
Aya magambo yahise akwirakwira ku mbuga nkoranyambaga, aho yateje impaka hagati y'abakunzi ba Hip-Hop.
Gusa hari abemeranya na Lil Wayne bavuga ko Nicki Minaj ari umwe mu bahanzikazi bagize uruhare rukomeye mu kuzamura no guteza imbere Hip-Hop y'abagore mu myaka ya vuba.
Ku rundi ruhande, hari abavuga ko nubwo ibyo Nicki Minaj yagezeho bikomeye, hakwiye no guhabwa agaciro abahanzikazi bamubanjirije, bavuga ko na bo bagize uruhare mu gutegura inzira yatumye abagore barushaho kubona amahirwe muri iyi njyana.
Nicki Minaj yamenyekanye cyane mu ndirimbo ze zakunzwe nka "Super Bass," "Starships," "Anaconda," "Bang Bang," "Red Ruby Da Sleeze," na "FTCU."
Yanasohoye album zirimo Pink Friday (2010), Pink Friday: Roman Reloaded (2012), The Pinkprint (2014), Queen (2018), na Pink Friday 2 (2023). Nizindi nyinshi
Lil Wayne yavuze ko abahanzikazi bayoboye Hip-Hop muri iki gihe bakwiye guha icyubahiro Nicki Minaj