Lewis Hamilton yatangaje ko yishimira kumarana igihe n’abana ba Kim Kardashian na Kanye

Ibi Hamilton w’imyaka 41 yabigarutseho ubwo yari mu kiganiro n’itangazamakuru cyabereye muri Austin, muri Leta ya Texas, mbere y’isiganwa rya Formula 1 ryagombaga kubera muri uwo mujyi.

Yagize ati: “Abishywa banjye bahoraga bampa ibyishimo byinshi. Abana b’umukunzi wanjye na bo, nkunda kumarana na bo igihe.” Yakomeje avuga ko Kim Kardashian afite abana bane, bityo akaba yishimira kubona umwanya wo gukina na bo no gusabana na bo.

Hamilton yongeyeho ko yanabaguriye imbwa muri uyu mwaka, yitwa Halo, ubu ikaba yarabaye undi munyamuryango mushya w’umuryango wa Kardashian.

Kim Kardashian afite abana bane yabyaranye n’uwahoze ari umugabo we, Kanye West. Abo ni North w’imyaka 13, Saint w’imyaka 10, Chicago w’imyaka umunani na Psalm w’imyaka irindwi.

Kardashian na West bakomeje gufatanya kurera abo bana nubwo batakiri umugabo n’umugore.

Urukundo rwa Hamilton na Kim Kardashian rwatangiye kuvugwa cyane muri Gashyantare 2026, nyuma y’uko bombi bagaragaye bari mu rugendo rw’ikiruhuko mu Bwongereza, aho byavuzwe ko bari kumwe mu buryo bwihariye.

Ku wa 8 Gashyantare 2026, aba bombi bagaragaye bwa mbere mu ruhame bari kumwe mu birori bya Super Bowl. Muri Mata uwo mwaka, bashyize ku mugaragaro iby’urukundo rwabo binyuze ku mbuga nkoranyambaga.

Amagambo ya Hamilton agaragaza ko atishimira gusa umubano afitanye na Kardashian, ahubwo ko anishimira kumarana igihe n’abana be, ndetse akaba yaragize uruhare mu kubongerera ibyishimo abaha n’imbwa yo mu rugo.