Lamine Yamal yongeye gutangaza

Mu myaka amaze akinira FC Barcelona, Lamine Yamal yakinnye umukino umwe kuri Sitade ya Camp Nou ubundi FC Barcelona ihita yimukira kuri Estadi Olímpic Lluís Companys (Montjuïc) aho yakiniraga.

Ubwo Lamine Yamal aheruka gukinira kuri Spotify Camp Nou, hari ku wa 29/04/2023.

Mu gihe FC Barcelona igiye gusubira kuri Sitade yayo ndetse yanabwiye Atletic Club ko nta bafana bayo bazinjira kuko ibice byose bitari byasozwa kubakwa, Lamine Yamal we yatangiye gutangaza amagambo y’inkomezi.

Abinyujije kuri Instagram ye, Lamine Yamal yahinduye ifoto imuranga hanyuma yandikaho ati “Kuri Montjuïc byari intangiriro. Amateka agiye kwandikirwa Camp Nou.”

Uretse Lamine Yamal, abandi bakinnyi barimo Fermín, Casadó, Dani Olmo, Pau Cubarsí, Gerard Martín, Joan Garcia, Marc Bernal, Roony na Dro kongeraho Rashford watijwe FC Barcelona, ni bamwe mu bakinnyi bakinira FC Barcelona batari bakina umukino n’umwe kuri Camp Nou.

Benshi mu bakinnyi FC Barcelona ifite, ntabwo bari bakinira kuri Camp Nou

Lamine Yamal yakiniye umukino umwe kuri Camp Nou icyo gihe hari tariki 29/04/2023