Ejo ni bwo FC Barcelona yatsinze Celta Vigo 1-0 mu mukino wo ku munsi wa 32 wa shampiyona ya Espagne. Lamine Yamal ni we watsinze iki gitego ku munota wa 40 kuri penariti, gusa akikimara kuyitsinda yahise aryama hasi yerekana ko agize ikibazo cy’imvune yitabwaho n’abaganga ahita asimbuzwa.
Ibizamini by’ibanze byakozwe byerekanye ko yagize ikibazo cya ‘hamstring’ mu kuguru kwe kw’ibumoso, none biravugwa ko ashobora kumara ibyumweru bitanu adakina. Kuri uyu wa Kane ni bwo hategerejwe ko akorerwa ibizami biratanga igihe nyacyo agomba kumara adakina.
Ubusanzwe imvune zimeze gutya ziba ziri mu byiciro bitatu. Icyiciro cya mbere uba ushobora kumara hagati y’icyumweru kimwe na bitatu udakina, icyiciro cya kabiri ukamara kuva ku byumweru bine kugeza ku byumweru umunani naho icyiciro cya Gatatu ukamara kuva ku mezi atatu kugeza ku mezi atandatu.
Bivuze ko bishoboka ko Lamine Yamal yakwisanga mu cyiciro cya Gatatu aho yahita asiba igikombe cy’Isi cya 2026.
Lamine Yamal yagize imvune ishobora gutuma adakina igikombe cy'Isi cya 2026