Label ebyiri zirimo Evolve Music Group na Trappish Music zahuje amaboko zitumira Ycee mu gitaramo

Kuwa 19 Werurwe 2022 hateganijwe igitaramo cyatumiwemo Ycee witeguraga n’ubundi kuza mu Rwanda mu ifatwa ry’amashusho y’indirimbo yakoranye na Ish Kevin.

Mu kiganiro na INYARWANDA, Umuyobozi wa Evolve Group Music, Rukundo Gilbert yatangaje ko bamaze guhuza nawe akazanakora igitaramo mu Rwanda.

Rukundo yagize ati:" Too Much Sauce Party ni gikorwa nakwita ko ari icy'amanywa n'ijoro kizasusurutswa n’abahanzi bakora injyana ya Hip Hop  na Trap."

Akomeza agira ati:"Rero nka Evolve twahuje na Trappish ya Ish Kevin dutumiramo Ycee n’ubundi wagomba kuza mu ikorwa ry’amashusho y’indirimbo afitanye na Ish Kevin."

Mu gusoza avuga ko ibindi byisumbuye bazabitangaza bitarenze kuwa 14 Werurwe 2022. Rukundo ati:"Ibindi birebana n’imitegurirwe ya Too Much Sauce tuzabitangaza bitarenze kuwa mbere."

Ycee utegerejwe i Kigali mu gitaramo Too Much Sauce no mu ifatwa ry'amashusho y'indirimbo yakoranye na Ish Kevin

Ish Kevin nyiri Trappish Music iri muri Label zatumiye Ycee banafitanye indirimbo

Umuyobozi wa Evolve Music Group Rukundo Gilbert watangaje ko biteguye gususurutsa abanyarwanda mu njyana ya Hip Hop na Trap

Abagize Evolve Music Group barimo n'umuhanzi Gabiro Guitar

KANDA HANO UREBE UNUMVE MY YEAR NSHYA MY YEAR YA ISH KEVIN

">