Ku mugoroba wo kuri uyu wa Ganu tariki ya 13 Gashyantare 2026, Uruganda rwenga ibinyobwa bisembuye n'ibidasembuye rwa Skol Brewery rwahembye umunyezamu Kwizera Olivier ibihumbi 1oo,ooo frw nk'umukinnyi wahize abandi muri Gikundiro muri Gashyantare 2026.
Kwizera Olivier ni umwe mu bakinnyi bari gufasha Rayon Sports mu gice cy'imikino yo Kwishyura dore mu ibanza abanyezamu barimo Mugisha, Yves, Drissa Kouyate na Pavelh Ndzirla bitari byagenze neza. Uyu munyezamu yagitse abarimo Bigirimana Abedi na Ramazan Tshimanga.
Umutoza wa Rayon Sports, Bruno Ferry niwe washyikirije igihembo Kwizera Olivier cyumukinnyi mwiza w'ukwezi kwa Gashyantare 2026. Nyuma yo guhabwa igihembo Kwizera Olivier yashimiye abakunzi ba Gikundiro ndetse abizeza ko bazatwara kimwe mu bikombe bibiri bari guhatanira uyu mwaka.
Yagize ati: "Ndishimye ku bw'iki gihembo, iki gihembo mpawe cyiranyongera imbaraga zo gukora, gukorera hamwe nk'ikipe no kumva ibyo abatoza batubwira. Muri Gikundiro ibyiza biri imbere kandi hari igikombe kimwe muri bibiri tuzazana uyu mwaka."
Muri Gashyantare 2026 Kwizera Olivier yakinnyemo imikino itanu aho yinjijwemo ibitego 3, imikino ibiri ntiyinjijwemo igitego ndetse muri iyi mikino itanu Rayon Sports nta n'umwe yatsinzwe kuko yatsinzemo itatu inganya ibiri.
Mu bagore igihembo cy'umukinnyi mwiza cyahawe myugariro w'ibumoso Ihirwe Regine ahigitse abarimo Uwihirwe Josiane na Umutoni Raissa. Regine yakinnye imikino ine atsindamo igitego kimwe ndetse atanga imipira itatu yabyaye ibindi bitego.
Myugariro Emery Bayisenge na Niyonshuti Emerance nibo begukanye igihembo cyumukinnyi mwiza w'ukwezi kwa Mutarama 2026 mu Bagabo n'Abagore.
Uruganda rwenga ibinyobwa bisembuye n'ibidasembuye rwa Skol Brewery ruzakomeza guhemba abakinnyi beza bahize abandi muri Rayon Sports y'abagabo n'abagore aho buri mukinnyi ahabwa ibihumbi 100 frw.
Ihirwe Regine yegukanye igihembo cy'umukinnyi mwiza wa Gashyantare 2026 ahitse Uwihirwe Josiane na Umutoni Raissa
Kwizera Olivier yegukanye igihembo cy'umukinnyi mwiza wa Gashyantare 2026 muri Rayon Sports
Umutoza Bruno Ferry ni we washyikirije igihembo Kwizera Olivier
REBA UKO KWIZERA OLIVIER YEGUKANYE IGIHEMBO | ATANZE UBUTUMWA | REGINE YAGITWAYE MU BAKOBWA