Ku
wa gatatu, Umuryango w’Abibumbye watangaje ko wanditse “Türkiye " nk'izina
rishya rya Turukiya. Umuvugizi w’Umuryango w’Abibumbye, Stephane Dujarric aganira n’ikigo cya Anadolu cyo muri Turukiya, yavuze ko bakiriye ibaruwa
yemewe y’abayobozi ba Turkiya bashaka guhindura izina ry’igihugu kandi yarasuzumwe
kuva ibaruwa yakirwa.
Ubu
“Türkiye " izakoreshwa mu ndimi zose z'amahanga, kandi izina ryuzuye ry'igihugu rizaba
“Repubulika ya Türkiye ". Guverinoma yatangiye gushyira mu bikorwa ingamba zo
guhindura izina ry’iki gihugu kuva muri Mutarama, igamije kuzamura isura nziza
y’igihugu.
Itangazamakuru
rya leta rimaze amezi rikoresha “Türkiye ", kandi ubukangurambaga bwa leta buteza
imbere ikoreshwa rya “Türkiye " ku banyamahanga bwakomeje gukoreshwa no mu ndege
za Turkish Airlines, hamwe no ku yandi mashusho y’ubukerarugendo yamamaza
bishingiye kuri Turukiya.
Ku
ya 31 Gicurasi, Minisitiri w’Ububanyi n’Amahanga, Mevlut Cavusoglu yanditse ku
rubuga rwa Twitter ati: "Inzira twatangiye iyobowe na Perezida wacu Recep
Tayyip Erdogan, mu rwego rwo kuzamura agaciro k’igihugu cyacu."
Izina
Turukiya ryashyizweho n’abanyamahanga mu binyejana byinshi, kugira ngo
risobanure agace k’ubwami bwa Ottoman nyuma yasimbuwe n’igihugu cya Repubulika
ya Turukiya. Ryakoreshejwe mbere mu kinyejana cya 14, riva kw’ijambo
ry'ikilatini “Turchia / Turquia " ryasobanuraga “igihugu cy'Abanyaturukiya ".
Nyuma
y'igihe, iri zina ry'ikilatini ryahinduwe “Türkiye " mu rulimi rw’igiturukiya,
Turukiya mu Cyongereza, “Turkei " mu kidage na “Turquie " mu gifaransa. Igihe
Mustafa Kemal Ataturk yatangiraga intambara y'ubwigenge nyuma y'intambara ya
mbere y'isi yose, yafashe izina “Türkiye " kugira ngo atandukanye ubutegetsi bwe
n'ubwami bwa Sultan bwari bufite icyicaro i Constantinople.
Ariko izina ry’igihugu naryo rirasa nk’iry’inyoni iribwa izwi nka Turkey “Dendo ", ifite
kavukire muri Amerika y’amajyaruguru. Iyi yacuruzwaga n’abacuruzi bo muri
Constantinople, Istanbul y’uyu munsi. Uru rujijo rimwe na rimwe rwagize ingaruka
zisa nko gusebanya ku gihugu cya turukiya yahindutse Türkiye kuri ubu.
Turkey yahinduye izina kubera kwitiranwa n'inyoni ikomoka muri Amerika
SRC: BalkanInsight