Inyungu zo kunywa amazi ashyushye:
Kuroshya igogorwa: Amazi ashyushye afasha mu kugabanya ibibazo byo kugugara, gutumba mu nda, no kunanirwa kw’igogorwa. Iyo anyowe mu gitondo, afasha amara kwisukura, bikagabanya ibyago byo kwituma nabi.
Gukomeza amaraso: Amazi ashyushye afasha mu kwagura imiyoboro y’amaraso, bigatuma amaraso atembera neza mu mubiri. Ibi birinda umunaniro, umutwe, ndetse no gufungana kw’imitsi.
Gufasha mu gusohora imyanda: Ubushyuhe bw’amazi bufasha mu gutuma umubiri usohora imyanda biciye mu kubira ibyuya, no kongera umwuka mwiza mu mubiri.
Kuvura ibicurane n’umwuka ufunze: Iyo umuntu afite ibicurane cyangwa umutwe uterwa n’umwuka ufunze, kunywa amazi ashyushye bigabanya ibimenyetso kuko afasha guhumeka neza no gutuza imikaya yo mu mihogo.
Kongera ubushobozi bwo kunywa amazi: Bamwe bafite imbogamizi zo kunywa amazi y’akazuyazi kubera ko akonjesha umubiri, ariko amazi ashyushye yorohera umubiri kuyakira, bityo bigatuma umuntu anywa amazi menshi nk’uko bikenewe.
Gutakaza ibiro: Abashakashatsi benshi bemeza ko kunywa amazi ashyushye mbere yo kurya bishobora kugabanya amerwe y’ibiryo, bityo bigafasha mu kugabanya ibiro.
Abashinwa mu muco wa TCM (Traditional Chinese Medicine) bavuga ko kunywa amazi ashyushye bifasha mu kugorora “Qi " y’umubiri (imbaraga z’imbere) no gukomeza imikorere y’umubiri. Kuri bo, amazi ashyushye ni ingenzi mu kugabanya ubukonje no gukomeza umubiri mu buryo buhoraho.
Dr. Michael Wald (umuhanga mu by’ubuzima) yavuze ko kunywa amazi ashyushye bituma umubiri woroshya imikaya yo mu nda, bityo bikagabanya ibibazo byo kwituma nabi no kugira impiswi. Avuga kandi ko bishobora gufasha mu gusohora uburozi (toxins) mu mubiri.
Abashakashatsi muri Harvard Health bemeje ko kunywa amazi ashyushye mu gitondo bigabanya ibyago byo kugira ibibazo by’igogorwa, umutwe, ndetse no kugira stress bitewe n’ubushobozi bwayo bwo gutuza umubiri.
N’ubwo kunywa amazi ashyushye bifite akamaro, birakwiye kumenya ko bidakwiye gushyushya cyane amazi kuko bishobora kwangiza imyanya y’ibiryo, nko gutwika inyama z’imbere mu kanwa cyangwa mu muhogo. Birakwiye kunywa amazi afite ubushyuhe buri hagati ya 50-60°C.
Muri macye, kunywa amazi ashyushye bifite inyungu nyinshi ku buzima, kandi abahanga babigaragaje mu bushakashatsi no mu muco wa bamwe. Gusa, ni ngombwa kubikora mu rugero kandi wibanda ku bushyuhe budashobora gukomeretsa umubiri.
Umwanditsi: Rose Mary Yadufashije