Tariki ya 25 Ugushyingo mu mwaka ushize ni bwo iyi Komite y’inzibacyuho ya Rayon Sports yashyizweho nyuma y’uko Urwego rw’igihugu rw’Imiyoborere (RGB) rusheshe iyari isanzwe.
Yari yahawe kuyobora igihe kingana n’amezi atatu kugira ngo ivugurure amategeko y’Umuryango wa Rayon Sports ndetse ikemure n’ibindi bibazo byari bihari.
Bivuze ko amezi atatu iyi komite yari yarahawe yarangiye. Kuri ubu iyi komite yongewe andi mezi atatu na RGB, kugira ngo ikomeze gushyira ibintu ku murongo. Aya mezi atatu azarangirana n’uyu mwaka w’imikino aho iyi komite y’inzibacyuho izahita inategura inama y’Inteko Rusange izaberamo amatora.
Kugeza ubu Rayon Sports iri ku mwanya wa 5 ku rutonde rwa shampiyona ikaba isubira mu kibuga kuri uyu wa Gatandatu ikina na Musanze FC.
Komite y’Inzibacyuho ya Rayon Sports yongerewe igihe