Avuga kuri podcast y'umuvandimwe we Khloé Kardashian yitwa “Khloé In Wonder Land” kuri uyu wa Gatatu, Kim yagize ati: “Byari ibintu byoroshye cyane, nta kindi cyihishe inyuma, ariko byaje gufatwa nabi cyane.”
Uyu mugore washinze kompanyi ya Skims yavuze ko Kris Jenner na Meghan Markle bamaze igihe ari inshuti kandi bafitanye umubano mwiza cyane. Ati: “Mama na Meghan bamaze imyaka ari inshuti, kandi bafitanye umubano mwiza kandi wuje urukundo.”
Kim, ufite abana bane, yasobanuye ko we na nyina bari barimo gusuzuma amafoto yafatiwe mu birori byo kwizihiza isabukuru ya Kris Jenner y’imyaka 70, bareba ayo bashobora gushyira ku mbuga nkoranyambaga.
Ati: "Twari twabwiwe ko nta kibazo kirimo gushyira ayo mafoto hanze. Ariko amaze gushyirwaho, abantu baje kwibuka ko uwo munsi wari Remembrance Day, umunsi wo kwibuka abasirikare n’abandi bitanze bagapfira igihugu. Nuko basanga bitari byiza ko bagaragara bari mu birori, nubwo amafoto yari yamaze gushyirwaho.”
Yakomeje avuga ko nyuma baje kubona ko byari ibintu byoroheje byari byafashwe nabi, ati: “Nyuma barabibonye bati: ‘Ibi byari ibintu byoroshye cyane.’”
Kim yavuze ko kuba Duke na Duchess of Sussex barafotowe muri Baby2Baby Gala uwo mugoroba wose byari byemewe, ariko ko wenda “kubagaragaza babyina ku rubyiniro cyangwa bari mu byishimo byinshi mu birori byashoboraga gufatwa nabi". Ati: “Ni yo mpamvu twahisemo gusiba amafoto, mu rwego rwo kubaha Remembrance Day.”
Yongeyeho ko rimwe na rimwe abantu bagomba gufata ibintu byoroheje no kutabigira ibikomeye cyane. Ati: “Rimwe na rimwe ugomba kubifata mu buryo bworoshye, cyane iyo abantu babifashe nabi.”
"Nta kindi cyihishe inyuma, ariko byaje gufatwa nabi cyane" Kim Kardashian avuga ku mafoto yasibye y'ibirori bya Prince Harry na Meghan Markle
Kim Kardashian yahishuye impamvu yasibye amafoto y'ibirori bya Prince Harry na Meghan Markle