Umunyarwandazi wari watawe muri yombi na Polisi ya Kenya yafunguwe by'agateganyo nyuma yo gutanga ingwate nyuma yo gufungwa akekwaho gutegura umugambi wo kwica umusuwisi bivugwa ko ari umukunzi.
Uwineza Antoinette na musaza we Eddy Kwizera buri umwe yatanze ingwate ya 200.000 Ksh y'ingwate Kugira ngo barekurwe nyuma yo kwitaba urukiko kuwa Kabiri tariki ya 2 Mutarama 2023.
Uwo munyarwanda Uwineza Antoinette ufite imyaka 43 yafatanywe na Musaza we mu mpera z'icyumweru gishize yafatiwe mu cyuho na Polisi ya Kenya yakoresheje Abapolisi bo mu rwego rw'iperereza bayise abagomba kumufasha kwica umusuwisi wari wagiye muri Kenya yabwiye ko hari Zahabu yagombaga kugura.
Polisi ya Kenya yatangaje ko yaburijemo umugabo wari wateguwe na Uwineza Antoinette na musaza we ndetse amakuru akaba yari yatanzwe n'umugabo wari wasabwe kubafasha kwica uwo Musuwisi ariko kubibafashamo agaha amakuru Polisi.
Ubwo yitabaga urukiko uwo munyarwandakazi yatanze ingwate bituma urukiko rumukurikirana adafunze. Antoinette Uwineza w'imyaka 43 washinjwaga umugambi wo kwica umugabo w’Ubusuwisi i Nairobi muri Kenya, yarekuwe atanze ingwate n’urukiko rwo muri Kenya.
Uyu munyarwandakazi kandi muri 2018 nabwo yatawe muri yombi akekwaho kugira uruhare mu rupfu rw'umunyarwandakazi wiciwe muri Kenya ndetse urukiko rwamukatiye gufungwa Burundu ariko muri 2020 urukiko rw'ubujurire rwamuhanaguye icyaha aba umwere ku byaha yashinjwaga.
Biteganyijwe ko Uwineza Antoinette na Musaza we Eddy Kwizera kuburana ku byaha bashinjwa tariki ya 27 Mutarama.
Ivomo: Daily Nation