Kendo na Racine bahuje imbaraga mu ndirimbo bise ‘Keza’-VIDEO

‘Keza’ mu buryo bw’amajwi yakozwe na Julesce (Global Vibs) mu gihe Mixage na Mastering byakozwe na Bob Pro. Yanditswe na Kendo na Racine mu gihe itunganya ry’amashusho yayo ryayobowe na Manzi Angelo.

Ni indirimbo irimo ubutumwa bugamije gutaka umukobwa bitewe n’ubwiza bwe, nk’uko Leandre Niyomugabo ukurikirana ibikorwa bya World Star Entertainment ireberera inyungu Kendo yabitangarije InyaRwanda.

Ati ‘‘Ni indirimbo umuhanzi wacu yakoze dushaka ko akora mu by’ukuri indirimbo, itaka umukobwa ubwiza bwe n'ukuntu yamwishe mu mutwe kubera  kumuhata urukundo bikamurenga.’’

Yakomeje avuga ko atavuga ko ari ubuzima bwa Kendo cyangwa Racine baririmbaga, cyane ko buri muntu wese uri mu rukundo yakumva iyi ndirimbo ikamufasha bitewe n’umukunzi mwiza bidasanzwe.

Yavuze ko bifuje gukorana na Racine cyane ko ari umwe mu baraperi beza u Rwanda rufite.

Kendo akomoka mu karere ka Rubavu mu Ntara y’Uburengerazuba. Uyu musore yatangiye umuziki mu 2017 mu buryo bw'umwuga awutangira mu 2019, aho yagiye kwiga mu ishuri rya muzika rya Nyundo ubu ryimukiye mu karere ka Muhanga.

Yamazeyo imyaka ibiri arabihagarika akomeza gukora umuziki bisanzwe. Kendo ubusanzwe abarizwa mu nzu ifasha abahanzi ya World Star Entertainment.Kendo ni umwe mu bahanzi bari kuzamuka nezaKendo ari gufashwa mu muziki na World Star EntertainmentRacine wakoranye na Kendo asanzwe ari umuraperi w'umuhanga mu Rwanda ndetse anandika indirimbo z'abandi bahanzi bagenzi be