Juno Kizigenza na Bruce The 1st mu basusurukije abakunzi ba Skol

Ibi birori byaranzwe n’akanyamuneza n’imyidagaduro ku rwego rwo hejuru, aho ababyitabiriye banyuzwe n’uburyohe bwa Skol Malt, bikiyongeraho n’imyidagaduro itandukanye yatumye iryo joro rirushaho kuba iridasanzwe.

Mu rwego rwo gukomeza gutegura igitaramo cya Shallipopi, abaguraga Skol Malt babonaga amahirwe yo gutombora impano zitandukanye zirimo amatike yo kuzitabira icyo gitaramo, ndetse n’izindi mpano zinyuranye.

Ibi byose biri muri gahunda yiswe “Shallipopin’ Ahanad”, igamije guha abakunzi ba Skol Malt ibirenze kunywa gusa, ahubwo bakagira n’amahirwe yo gutsindira ibihembo no kwitabira ibitaramo bikomeye byatewe inkunga n’iki kinyobwa.

By’umwihariko, abakunzi ba Skol Malt bakomeje gushimishwa no gususurutswa n’abahanzi b’inyenyeri mu muziki nyarwanda ndetse n’aba-DJ bagezweho, bikaba biri mu byongera ibyishimo muri uru rugendo rwo kwitegura igitaramo cya Shallipopi.

Ibi birori ntibyabereye kuri Lemon Kigali gusa, kuko gahunda yabanje mu bindi bice bitandukanye by’Umujyi wa Kigali. Tariki ya 09 Gicurasi 2026 byabereye i Sud Kigali, bikomereza tariki ya 10 Gicurasi 2026 kuri Great Kigali, mbere y’uko bisorezwa muri ibi birori byo ku wa 23 Gicurasi 2026.

Ibirori bikurikiyeho bizasozwa n’igitaramo gikomeye cya “Africast Fest: A Shallipopi Xperience” gitegurwa na Groove Kigali ku bufatanye na Bruce Entertainment, giterwa inkunga na SKOL Malt ndetse na Bank of Kigali.