Iyi kipe ibinyujije ku mbuga nkoranyambaga yavuze ko yongereye amasezerano y’igihe kirekire, gusa hakaba hasigaye ko League yabo na federasiyo babyemeza.
Jojea Kwizera yatangiye gukina ikipe y’igihugu y’u Rwanda, Amavubi, mu mwaka ushize. Uyu mukinnyi yavutse taliki ya 25 Mutarama 1999, akaba yaravukiye i Bukavu muri Repubilika Iharanira Semokarasi ya Congo. Se ni umunyarwanda mu gihe nyina akomoka muri Congo.
Jojea Kwizera ukina mu kibuga hagati yatangiye gukina umupira w'amaguru ahereye mu makipe ya Kaminuza akinira Utah State University Eastern muri 2017 akinayo imikino 34, atsindamo ibitego 7. Muri 2019 yakomereje muri Utah Valley Wolverines akinayo imikino 22, atsindamo ibitego 6.
Muri 2021 uyu mukinnyi w'imyaka 25 yavuye muri aya makipe ya Kaminuza yerekeza muri Salt City SC ikina shampiyona y'icyiciro cya kabiri, akinayo imikino 7, atsindamo ibitego 5, maze nyuma y'umwaka umwe yerekeza muri CF Montréal.
Mu ntangiriro y'uyu mwaka wa 2024 ni bwo Jojea Kwizera yerekeje muri Rhode Island FC akinamo kugeza uyu munsi. Kuva ayigezemo amaze kuyikinira imikino 30 akaba yaratsinzemo ibitego 3 ndetse akaba yaranatanzemo imipira 6 ibivamo.
Jojea Kwizera yongeye amasezerano muri Rhode Island
