James Kotei
w’imyaka 25 akina hagati mu kibuga atanga umusanzu mu gufasha ab’inyuma ari
nako aba yambura imipira abakinnyi b’ikipe aba ahanganye nayo ndetse akabasha
gutuma ikipe ye aba akinira itagira icyuho hagati mu kibuga (Holding
Midfielder). Kuri ubu yabaye umukinnyi wa Kaizer Chiefs muri Afurika y’Epfo
mu gihe cy’imyaka itatu (3) nk’uko babyemeje ku rubuga rwabo rwa Twitter.
Kaizer Chiefs FC bemeje ko James Kotei (18) yamaze kubasinyira amasezerano y'imyaka itatu
James Agyekum Kotei yageze muri Simba SC avuye muri
Al-Oroubah (2015-2016), ikipe yagezemo avuye muri BA Stars (2014-2015) y’iwabo
muri Ghana aho yari mu ntizanyo nk’umukinnyi wa Liberty Proffessionals
(2010-2014) muri Ghana mu mujyi wa Accra.
Mu myaka
itatu yari amaze muri Simba SC, James Kotei yabafashije gutwara igikombe cya
shampiyona inshuro ebyiri (2017-2018 na 2018-2019) ndetse banagerama mu mikino
y’amatsinda ya Total CAF Confederation Cup 2018-2019.
James Kotei ni inshuti ya Haruna Niyonzima
James Kotei
yatangiye umupira akina muri Corner Babies yamazemo imyaka itanu (2002-2007)
mbere yo kujya muri Golden Foot Academy yamazemo imyaka ibiri (2007-2009).
Kaizer
Chhiefs ni ikipe yubatse izina muri
shampiyona ya Afurika y’Epfo kuko kuva yashingwa mu 1970 imaze gutwara ibikombe
bine (4) bya shampiyona icyo iheruka ikaba yaragitwaye mu mwaka w’imikino
2014-2015 (2003–04, 2004–05, 2012–13, 2014–15).
James Kotei na Kaizer Chiefs yatangiye imyitozo yitegura umwaka w'imikino 2018-2019
Kaizer
Chiefs ifite ibikombe bitatu (1989, 1991, 1992) by’igihugu (National Soccer
League). Kaizer Chiefs ibitse ibikombe 15 bya MTN8, 1974, 1976, 1977, 1981,
1982, 1985, 1987, 1989, 1991, 1992, 1994, 2001, 2006, 2008, 2014, irushanwa
rikinwa n’amakipe yasoje mu myanya umunani ya mbere muri shampiyona ya Afurika
y’Epfo. Gusa muri uyu mwaka ntabwo izakina MTN8 kuko yasoje ku mwanya wa cyenda
(9) muri shampiyona 2018-2019.
James Kotei (Uwa kabiri mu bahagaze uva iburyo) yari umukinnyi ubanza muri Simba SC