Isibo Tv iri gutegura ibi bihembo yasohoye itangazo kuri uyu wa kane tariki 28 Mutarama 2021, imenyesha abantu bose ko “umuhango wo gushyikiriza ibihembo abazabitsindira muri ‘The Choice Awards wari utegerejwe tariki ya 31 Mutarama 2021 wimuriwe ku itariki izabemenyesha mu bihe biri imbere."
Iri tangazo ryashyizweho umukono na Kabanda Jean De Dieu Umuyobozi wa Isibo TV rikomeza rivuga ko gusubika gutanga ibi bihembo biri “mu rwego rwo kubahiriza amabwiriza mashya yo kwirinda icyorezo cya Coronavirus nk’uko yemejwe n’Inama y’Abaminisitiri yo ku wa Mbere tariki 18 Mutarama 2021."
Gutora abahatanira ibihembo bya The Choice Awards birakomeje ku rubuga rwa www.thechoicelive.com kugeza tariki 28 Gashyantare 2021.
Tariki 17 Mutarama2021, ni bwo ikipe ngari ikora ikiganiro ‘The Choice’ kuri Isibo Tv bakoze umuhango wo gutangaza abahanzi, abakinnyi ba filime, abanyarwenya, abatunganya amashusho n’abavuze(zwe) rikumvikana mu 2020 bahataniye ibihembo bya ‘The Choice Live Awards 2020’.
Ibihembo bya ‘The Choice Awards’ ni ngaruka mwaka bitegurwa n’ikipe ngari y’abanyamakauru bakora ikiganiro ‘The Choice’, kimwe mu biganiro bikunzwe kuri Televiziyo ‘Isibo TV’ ya Bruce Melodie. Bifite intego yo gushyigikira urugendo rw’umuziki w’u Rwanda, gutera imbaraga abahanzi no kubashimira ibyo bamaze gukora mu rugendo rw’imyidagaduro.
Abashyizwe muri ibi byiciro ni abakoze bakigaragaza kuva muri Mutarama kugeza mu Ukuboza 2020. Bashyizwe mu byiciro 10, ndetse batangiye gutorwa ku rubuga rwa internet www.thechoicelive.com. Uretse guhabwa ibihembo hari no gutekerezwa uko byazaga biherekezwa n’amafaranga.
Abahanzi bahatanye mu byiciro bibiri ni Bruce Melodie, Platini na Knowless Butera bari mu cyiciro cy’umuhanzi w’umwaka [The Choice Male artist of the Year] no mu cyiciro icy’indirimbo y’amashusho meza y’umwaka [The Choice Video of the Year].
Hari kandi umuhanzi Papa Cyangwe uri mu cyiciro ‘The Choice Influencer of the Year’ no mu cyiciro cy’umuhanzi mushya w’umwaka [The Choice New Artist of the Year]
The Choice Male artist of the Year: Bruce Melodie, Davis D, Israel Mbonyi, Mico The Best na Platini P
The Choice Female artist of the Year: Aline Gahongayire, Alyn Sano, Clarisse Karasira, Knowless Butera na Marina.
The Choice Actor of the Year: Benimana Ramadhan [Bamenya], Mugisha Clapton [Kibonge], Ndayizeye Emmanuel [Nick Dimpoz], Niyitegeka Gratien [Seburikoko] na Uwihoreye Jean Bosco Mustapha [Dimbati].
The Choice Actress of the Year: Ingabire Pasclaine [Mukaneza], Mukayizere Djaria Nelly (Kecapu), Uwamahoro Mutoni Assia (Gatarina), Uwase Bahavu Jeannete (Bahavu) na Uwimpundu Sandrine (Rufonsina).
The Choice Influencer of the Year: DJ Brianne, Junior Giti, Rocky Kirabiranya [Kimomo], Papa Cyangwe na Super Manager.
Umuhanzi ukorera indirimbo hanze y’u Rwanda [The Choice Diaspora artist of the Year]: Adrien Misigaro, Prscillah [Scillah], Meddy, Emmy na The Ben
The Choice Video of the Year: Atensiyo ya Platini, Bon ya Davis D, Player ya Butera Knowless, saa moya ya Bruce Melodie na Zoli ya Nel Ngabo
Icyiciro cy’umugabo utunganya meza amashusho [The Choice Video director of the Year]: Bagenzi Bernard, Cedric Dric, Fayzo Pro, Meddy Saleh na Serge Girishya.
The Choice DJ of the Year: Dj Bisoso, Dj Diallo, Dj Ira, Dj Marnaud na Dj Toxic.
The Choice New Artist of the Year: Calvin Mbanda, Ish Kevin, Juno Kizigenza, Papa Cyangwe n’itsinda rya Vestine na Dorcas.
Isibo Tv yamenyesheje ko yasubitse itangwa ry'ibihembo The Choice Awards 2020 kubera Covid-19