Uyu
munsi ushobora kuba umwe mu minsi migufi cyane mu mateka y’Isi, nk’uko
abashakashatsi babitangaza, aho 'tuza gutakaza amasegonda 1.25 ku masaha 24
asanzwe'.
Iri
hinduka rito riterwa n’impinduka mu kuzenguruka kw’Isi, zituruka ku gukurura
k’ukwezi ku Isi binyuze mu mbaraga z’ubutumburuke (gravitational pull). Nubwo
tutaza kubyiyumvamo nk’abantu, inzobere zivuga ko ingaruka z’igihe kirekire kubera
iri hinduka zishobora kuba zikomeye.
Niba
Isi ikomeje kuzunguruka byihuse, imbaraga ziyongera zituruka ku kwihuta
(centrifugal force) zishobora gutuma amazi y’imigezi n’inyanja yimukira hafi y’umurongo
ugabanyamo Isi kabiri (equator), bikazamura urwego rw’amazi y’inyanja ndetse
bigashyira mu kaga imijyi iherereye hafi y’inyanja isanzwe ihangayikishijwe
n’imyuzure.
Uko
kuzenguruka vuba bishobora no gutuma umunsi ugira amasaha 22 gusa,
bikabangamira uburyo bwo gusinzira, kongera ibyago byo kurwara indwara
z’umutima nka heart attack, ndetse bigahungabanya isaha y’umubiri (biological
clock) y’abantu babarirwa muri za miliyari.
Ikindi kandi, NASA iratangaza ko iyo Isi izunguruka vuba, imiyaga ikaze irushaho gukara. Inkubi y’umuyaga (hurricanes) zishobora gukara cyane bitewe n’uko ingaruka za Coriolis effect ziyongera.
Isi iri kugendera ku muvuduko wo hejuru byatumye none ku wa 05/08/2025 amasaha 24 atuzura nk'uko byari bisanzwe