Jurgen Klopp yamaze gutangariza abakunzi ba Liverpool ko azatandukana nabo ubwo uyu mwaka w'imikino uzaba urangiye.
Mu ntego Jurgen Klopp yari afite, harimo gutwara ibikombe byose bizamuca imbere mu mwaka we wa nyuma muri Liverpool. Ku ikubitiro, yari yahereye kuri Calabao Cup ubwo yayitwaye atsinze Chelsea ku mukino wa nyuma.
Muri English Premier league ho biracyashoboka ko Liverpool yakwegukana icyo gikombe, dore ko ari iya kabiri inyuma ya Arsenal banganya amanota 64.
Liverpool ikindi gikombe ifite amahirwe yo gutwara ni Europa League, kuko yageze muri kimwe cya Kane isezereye Sparta Prague yo muri Czech Republic.
Inzozi zo kuva muri Liverpool ayikukumbiye ibikombe, kuri Jurgen Klopp zakomwe mu nkokora na Eric Ten Hag, kubera ko yamaze gusezererwa na Manchester United muri kimwe cya Kane cya FA Cup.
Manchester United yasezereye Liverpool nyuma y'uko umukino warangiye amakipe anganya ibitego bibiri kuri bibiri, nuko hongeweho iminota 30 ya kamarampaka, Manchester United itsinda ibindi bibiri, naho Liverpool ibonamo kimwe. Umukino warangiye Manchester United isezereye Liverpool ku ibitego bine kuri bibiri.
Jurgen Klopp yari afite intego yo gukukumba ibikombe byose bizamuca imbere mu mwaka we wa nyuma muri Liverpool
Inyego za Jurgen Klopp zakomwe mu nkokora na Manchester United
Ku ikubitiro Liverpool yari maramaze kwegukana Calabao Cup
Muri English Premier league, Liverpool iracyafite amahirwe, kuko inganya amanota na Arsenal, ikaba irusha man city inota rimwe
Abakinnyi ba Manchester United bashize akadomo ku nzozi za Jurgen Klopp