Iki cyemezo gitangwa nyuma y'uko indirimbo igeze ku mubare y'acurujweho cyangwa se uburyo bwo kuyumva (equivalent streams) bujyanye n'ibisabwa n'inzego z'umuziki muri icyo gihugu. "Come Closer" imaze kurenga miliyoni 15 z'abayumvise (equivalent streams), ari byo byatumye ihabwa iki cyemezo.
Kuri Wizkid, iyi ni indi ntambwe ikomeye mu ruhando mpuzamahanga, kuko "Come Closer" ibaye indirimbo ye ya gatandatu yegukanye Gold Certification mu Bufaransa, ibintu bishimangira uburyo umuziki we ukomeje kwakirwa ku rwego mpuzamahanga.
"Come Closer" yasohotse mu 2017, iri kuri album ya Wizkid yitwa "Sounds from the Other Side". Icyo gihe yaciye ibintu ku mbuga zitandukanye zicurangirwaho umuziki no kuri radiyo zo hirya no hino ku Isi.
Uretse kuba yarakunzwe cyane, iyi ndirimbo yanagize uruhare rukomeye mu gufungurira Wizkid amarembo ku isoko mpuzamahanga, ndetse inagaragaza ubufatanye bukomeye hagati y'abahanzi bo muri Afurika n'abo muri Amerika.
Nyuma y'imyaka hafi 10 isohotse, "Come Closer" iracyakomeza gukundwa, aho ikomeza kumvwa n'abatari bigatuma yongera kwandika amateka mu Bufaransa.
Indirimbo "Come Closer" ya Wizkid na Drake yongeye kwandika amateka mu Bufaransa