Indirimbo 10 za The Ben na Bruce Melody z'amahitamo y'abafana zizaca ibintu mu ntara

Muri ibi bitaramo by’amateka byiswe "Summer Country Tour 2026", The Ben na Bruce Melodie bagiye kuzenguruka intara z’u Rwanda kuva ku wa 13 Kamena kugeza ku wa 4 Nyakanga 2026, aho bitezweho guca impaka nk’uko The Ben yabyemeje avuga ko umuweru uzivangura n’umukara.

Mu matora yanyuze ku mbuga nkoranyambaga za Inyarwanda byumwihariko WhatsApp Channel, bamwe mu bafana b’umuziki nyarwanda bagaragaje indirimbo biteze ko zizabasusurutsa muri ibi bitaramo bya summer Country Tour.

Ku ikubitiro, abafana barifuza ko The Ben nk’umwe mu batumirwa b’ibitaramo Summer Country Tour yazaririmba; Habibi, Why yakoranye na Diamond Platnumz, Ndaje, Thank you yakoranye na Tom Close, Roho yange, True Love, Indabo zanjye, Ndi uw’i Kigali yakoranye na Meddy na K8 Kavuyo, Ntacyadutanya yakoranye na Priscilla ndetse na Ni forever.

Gusa n’ubwo ari izo 10 abantu bagaragaje ko zigomba gucurangwa, benshi bagarutse ku ndirimbo ‘Inshallah’ The Ben aheruka gutangaza ko azashyira hanze muri iki cyumweru.

Ku bafana ba Bruce Melodie watumiye The Ben, bo barifuza ko yazabaririmbira; Pom Pom yakoranye na Diamond na Joel Brown, Hands-up, Munyakazi, Ikinyafu, Saa Moya, You complete me, Ntujye unkinisha, Ndakwanga, Katerina na Ndi mu kinya.

Izo ni zimwe mu ndirimbo abafana ba The Ben na Bruce Melody bifuza kuzabyina muri ibi bitaramo bizenguruka mu ntara n’ubwo buri muhanzi wese aba afite uko ategura ibintu bye n’uko azatanga ibyishimo ariko byose bigahuriza ku ntego y’ibyishimo.

Bruce Melody na The Ben bagiye kuzengurukana mu ntara mu bitaramo bya Syummer Country Tour

Ku ikubitiro, ibi bitaramo birahera mu karere ka Musanze