Nk’uko byatangajwe n’Ibitaro bya LIV Hospital mu nkuru yasohotse ku rubuga rwayo, imibonano mpuzabitsina yo mu kanwa, ishobora kwanduza indwara nka HPV, Herpes, Imitezi, Chlamydia, Epatite, Tirikomonase ndetse na Mburugu binyuze mu matembabuzi aba mu kanwa.
Virusi ya HPV ni imwe mu zitera ibibazo bikomeye, birimo kanseri yo mu kanwa ndetse no mu muhogo. Abahanga mu buzima bemeza ko indwara zandurira mu mibonano mpuzabitsina zishobora no gufata mu kanwa mu gihe habayeho iki gikorwa.
LIV Hospital iti: “Imibonano mpuzabitsina yo mu kanwa ntiyizewe, cyane ko indwara zandurira mu mibonano mpuzabitsina n’aho zihandurira.”
Nubwo gukora imibonano mpuzabitsina yo mu kanwa byongera ubusabane hagati y'abayikora, no kugabanya guhangayika bitewe n’imisemburo umubiri urekura iyo iri gukorwa, abahanga mu by'ubuzima bavuga ko umutekano n’ubwirinzi ari byo bikwiye kuza mbere ya byose.
Bakomeza bagira inama abantu yo kwisuzumisha indwara zandurira mu mibonano mpuzabitsina kenshi no gukoresha uburyo bwo kwirinda nk’agakingirizo cyangwa uburyo bwashyizweho bwo kwirinda indwara zandurira mu mibonano mpuzabitsina yo mu kanwa (dental dam).
Imibonano mpuzabitsina yo mu kanwa benshi bayifata nk’uburyo bwizewe kurusha ubundi, gusa nabwo bugira ingaruka nyinshi ku buzima. Rero gukurikiza inama ndetse n’amabwiriza atangwa n’abaganga birafasha, cyane ko amagara aseseka ntayorwe.
Imibare igaragaaza ko urubyiruko ari rwo rwiganje mu gukoresha ubu buryo