Ku wa Kabiri w’Icyumweru gishize tariki ya 31 Werurwe 2026 ni bwo DR Congo yatsinze Jamaica 1-0 mu mukino wa kamarampaka wo gushaka itike y’igikombe cy’Isi cya 2026 kizabera muri Leta Zunze Ubumwe za Amerika, Canada na Mexico.
Iyi kipe yahise ikatisha itike y’Igikombe cy’Isi cya 2026 nyuma y’imyaka 52 itagikina. Icyo gihe imikino y’amakipe y’ibihugu yahise irangira ubundi abo mu y’andi makipe y’ibihugu batangira gusubira mu makipe yabo.
Ubundi amategeko y’impuzamashyirahamwe y’umupira w’amaguru ku Isi,FIFA avuga ko umukinnyi atagomba kurenza amasaha 48 atarasubira mu ikipe ye nyuma y’uko imikino y’amakipe y’ibihugu irangiye.
Ibi ariko ntabwo ariko byagenze ku ikipe y’igihugu ya Congo dore ko yagumanye abakinnyi kugira ngo bazakore ibirori byo kwishimira ko basubiye mu gikombe cy’Isi. Ku munsi wejo ku Cyumweru nibwo ibi birori byabaye i Kinshasa.
Ibi iyi kipe y’igihugu yakoze ntabwo byashimishije amwe mu makipe ayifitemo abakinnyi none kuri ubu West Ham United igiye kwandikira FIFA iyirega ndetse inasaba indishyi y’akababaro. Ni ukubera myugariro wayo Aaron Wan Bissaka.
Iyi kipe ejo yakinnye na Leeds United muri FA Cup itamufite ndetse birangira inasezerewe.
Abakinnyi ba Congo mu birori byo kwishimira ko bakatishije itike y'Igikombe cy'Isi cya 2026