Direction nationale du contrôle de gestion (DNCG), ikigo gishinzwe kugenzura ikoreshwa ry'umutungo muri shampiyona y'Ubufaransa ni cyo cyafashe iki cyemezo mu mugoroba wo ku wa Kabiri tariki ya 24 Kamena 2025.
Iki cyemezo cyaje nyuma y'uko bigaragaye ko ikigo gicunga ikipe ya Olympic Lyonnais cya Eagle Group, gifitiye umwenda ibindi bigo ungana na miliyoni 175€.
Umuyobozi w'iki kigo cya Eagle Group, John Textor, yagerageje gukora ibishoboka byose ngo agabanya umwenda ariko biranga. Aherutse kugurisha Woody Johnson imigabane ye ingana na 45% afite muri Crystal Palace bihwanye na miliyoni 200 € ndetse yanagurishije abakinnyi batandukanye barimo Rayan Cherki werekeje muri Manchester City.
Nubwo bimeze gutya ariko iyi kipe iracyafite amahirwe ya nyuma kujurira iki cyemezo. Olympique Lyonnais isanzwe ari ikipe y'ubukombe mu Bufaransa dore ko ibitse ibikombe birindwi bya shampiyona yatwaye hagati ya 2002 na 2008.
Iyi kipe yari yasoreje ku mwanya wa 6 muri shampiyona mu mwaka ushize w'imikino biteganyijwe ko izahita isimburwa na Reims mu cyiciro cya mbere.
Olympique Lyonnais yamanuwe muri shampiyona y'icyiciro cya kabiri mu Bufaransa