Ku munsi wejo saa Tatu z'ijoro nibwo kuri Bank of America Stadium ikipe ya Real Madrid yari yahuriye mu kibuga na Pachuca yo muri Mexico mu itsinda H.
Ikipe ya Real Madrid yatangiye umukino ihererekanya neza gusa ku munota wa 7,Raul Asensio yerekwa ikarita y'umutuku nyuma y'uko yari ateze Salomon Rondon kandi yariwe myugariro wa nyuma.
Nubwo ikipe ya Real Madrid yasigaranye abakinnyi 10 mu kibuga ariko yakomeje kwiharira umukino ndetse ku munota wa 35 Jude Bellingham ku mupira yarahawe na Fran Garcia.
Mbere y'uko igice cya mbere kirangira Real Madrid yabonye igitego cya kabiri cya Arda Guller ku mupira yarahawe na Gonzalo Garcia.
Mu gice cya kabiri amakipe yombi yaje akora impinduka mu kibuga aho ku ruhande rwa Pachuca,John Kennedy na Gustavo Cabral basimbuwe na Domiguez na Alan Bautista na ku ruhande rwa Real Madrid ho havamo Gonzalo Garcia hajyamo Brahim Diaz.
Ikipe ya Pachuca yaje isatira cyane ishaka kureba uko yakwishyura ndetse hari aho yashoboraga kubona igitego ku ishoti ryari ritewe na John Kennedy gusa Courtois aratabara ashyira umupira muri koroneri.
Ku munota wa 70 Real Madrid yatsinze igitego cya gatatu ku mupira Brahim Diaz yari ahereje neza Fede Valverde ubundi araserebeka awushyira mu nshundura.
Ku wa 80 Pachuca yabonye igitego cya mbere gitsinzwe na Elias Montiel ahawe umupira na Lopez. Umukino warangiye Real Madrid itsinze ibitego 3-1 ikomeza kuyobora itsinda n'amanota 4.
Indi mikino yabaye kuri uyu wa Mbere,saa Sita z'ijoro ikipe ya FC Salzburg yanganyije na Al Hilal 0-0 naho saa Cyenda z'urukerera Manchester City inyagira Al-Ain ibitego 6-0.
Iyi kipe yo mu Bwongereza yahise inakatisha itike y'imikino ya 1/8 yiyongera kuri Juventus,FC Bayern Munich na Flamengo zimaze kuyibona.
Indi mikino iteganyijwe kuri uyu wa Mbere mu itsinda B Atletico Madrid irakina na Botafogo ndetse na Seattle Sounders FC ikine na Paris Saint-Germain saa Tatu z'ijoro.
Real Madrid yatsinze Pachuca ibitego 3-1
Ni amanota 3 ya mbere kuri Real Madrid nyuma y'uko yari yanganyije umukino wa mbere