Ibyumweru hafi bibiri bigiye gushira hakinwa imikino
y’iki gikombe cy’Isi aho ku nshuro ya mbere yitabiriwe n’ibihugu 48. Bivuze ko
muri iri rushanwa hariyo abatoza bakuru 48 gusa amafaranga bahembwa agiye atandukanye bijyanye n’ikipe y’igihugu
buri umwe atoza.
Umutaliyani Carlo Ancelotti utoza Ikipe y'Igihugu ya
Brazil ahembwa miliyoni 9.5 z'Ama-Euro ku mwaka, amafaranga amugira umutoza
uhembwa menshi kurusha abandi bose batabiriye igikombe cy'Isi cya 2026.
Ku mwanya wa kabiri haza Umudage Thomas Tuchel utoza
u Bwongereza, uhembwa miliyoni 5.8 z'Ama-Euro ku mwaka. Akurikiwe na Mauricio Pochettino wa Leta
Zunze Ubumwe za Amerika uhembwa miliyoni 5.2 z'Ama-Euro.
Ku mwanya wa 4 hari Julian Nagelsmann w'u Budage
uhembwa miliyoni 4.8 z'Ama-Euro. Akurikirwa na Roberto Martínez wa Portugal na
Fabio Cannavaro wa Uzbekistan bahembwa miliyoni 4 z'Ama-Euro buri wese.
Nubwo hari ibihugu bishora amafaranga menshi mu batoza babyo, amateka y'umupira w'amaguru agaragaza ko umushahara munini atari wo uhita uguhesha igikombe.
Urugero ni Lionel Scaloni watwaye Igikombe cy'Isi
cya 2022 atoza Argentina kandi adahembwa nk'abatoza bamwe bo mu Burayi bari
bafite imishahara ihanitse.
Ku rundi ruhande, umutoza uhembwa make muri iri
rushanwa ni Dick Advocaat wa Curaçao, uhembwa ibihumbi 96 by'Ama-Euro ku mwaka. Ibi bivuze ko umushahara wa Ancelotti uruta uwe hafi inshuro 100.
Carlo Ancelotti niwe uhembwa amafaranga menshi mu gikombe cy'Isi 2026 aho ahembwa miliyoni 9.5 z'Ama-Euro ku mwaka
Dick Advocaat utoza Curaçao niwe uhembwa amafaranga amacye mu gikombe cy'Isi cya 2026 aho ahembwa ibihumbi 96 by'Ama-Euro ku mwaka