Iyi mibare yashyizwe hanze n'abasesenguzi ikoresha uburyo bwo kureba imyaka y’umukinnyi, igihe gisigaye ku masezerano ye, ndetse n'umusaruro atanga mu kibuga mu ikipe ye n’izindi mpamvu zitandukanye akaba ari byo bigena agaciro ke ku isoko.
Lamine Yamal w’imyaka 18 ni we uza ku mwanya wa mbere, aho agaciro ke kageze kuri Miliyoni 309.4 z’Amapawundi.
Amaze imyaka mike gusa akina ku rwego rwo hejuru ariko yamaze kwigarurira imitima y’abakunzi b’umupira w’amaguru kubera impano idasanzwe afite.
Yamal ni umwe mu bakuriye mu irerero ry'iyi kipe muri Espanye dore ko ari mu bagize uruhare mu gutwara igikombe cya shampiyona mu myaka ibiri ishize.
Ku mwanya wa kabiri haza rutahizamu wa Manchester City, Erling Haaland, ufite agaciro ka miliyoni 196.4 z’Amapawundi.
Nubwo afite imyaka 25, ubushobozi bwe bwo gutsinda ibitego byinshi n’amasezerano mashya afite kugeza mu 2034 bituma aguma mu bakinnyi bahenze cyane ku Isi.
Kuri ubu uyu rutahizamu wa Norvege ni umwe mu bamaze guhesha iyi kipe ibikombe byinshi mu Bwongereza no ku mugabane w'iburayi muri rusange ndetse yitezwe no.
Umwanya wa gatatu hariho umufaransa Kylian Mbappé wa Real Madrid, ufite agaciro ka miliyoni 143.2 z’Amapawundi. Nubwo ari umwe mu bakinnyi b’ibyamamare ku Isi, agaciro ke kari munsi cyane y’aka Yamal.
Mbappe akurikirwa na rutahizamu w'ikipe ya Bayern Munich mu gihugu cy'u Budage, Michael Olise uri ku mwanya wa kane n'agaciro ka miliyoni 121.2 z’Amapawundi ndetse na Morgan Rogers uza ku mwanya wa gatanu n'agaciro ka miliyoni 118.2 z’Amapawundi.
Mu bandi bakinnyi bahenze harimo Désiré Doué ubarirwa agaciro ka miliyoni 115.1 z’Amapawundi, Jude Bellingham ufite miliyoni 103.9 z’Amapawundi.
Florian Wirtz na we ari mu bafite agaciro gakomeye kuko abarirwa muri miliyoni 107.2 z’Amapawundi, mu gihe Bukayo Saka afite miliyoni 96.1 z’Amapawundi naho Cole Palmer akagira miliyoni 95.6 z’Amapawundi.
Saka, Yamal, Mbappe ni bamwe mu bari ku rutonde rw'abakinnyi bahenze kurusha abandi mu Gikombe cy'Isi cya 2026