Iki gitego yatsinze mu mukino wa Sénégal na Iraq mu matsinda, kikaba cyari icya kabiri cye muri uwo mukino, cyagiye ku muvuduko wa kilometero 131.94 ku isaha kikaba ari cyo gitego cyihuse kurusha ibindi byabonetse muri iri rushanwa kugeza ubu.
Ku mwanya wa kabiri haza igitego cya Johan Manzambi w'u Busuwisi, watsinze Canada ku wa 24 Kamena, cyari gifite umuvuduko wa 128.73 km/h.
Umukinnyi wa Norvège, Thelo Aasgaard aza ku mwanya wa gatatu nyuma yo gutsinda igitego cyiza mu mukino batsinzwe n'u Bufaransa, aho umupira we wari ufite umuvuduko wa 125.95 km/h.
Aya makuru yakusanyijwe hifashishijwe ikoranabuhanga rigezweho rya FIFA n'uruganda rwa Adidas, aho umupira wakoreshejwe muri iri rushanwa uzwi nka Adidas Trionda uba urimo akuma kabasha gupima amakuru (Inertial Measurement Unit – IMU).
Hari kandi na camera 16 zashyizwe muri buri stade zikurikirana umupira n'abakinnyi, zikusanya amakuru menshi buri segonda.
Mu bindi bitego byinjiye mu icumi bya mbere harimo n'icya Kevin Pina wa Cap-Vert, watsinze Uruguay. Iki ni cyo gitego cya mbere igihugu cya Cap-Vert cyatsinze mu mateka yacyo mu Gikombe cy'Isi, kikaba cyari gifite umuvuduko wa 125.22 km/h.
By'umwihariko, Pina yatsindiye kure cyane, aho yateye ari ku ntera irenga metero 31 uvuye ku izamu, akaba ari we watereye kure kurusha abandi bose bari kuri uru rutonde.
Igitego rukumbi cyo mu mikino yo gukuranwamo kiri kuri uru rutonde ni penaliti ya Mohamed Saber wa Misiri, yatsinze Australia mu mukino wabereye i Dallas.
Si ubwa mbere FIFA ikoresheje iri koranabuhanga, kuko ryari ryanifashishijwe mu Gikombe cy'Isi cya 2022 cyabereye muri Qatar ndetse no mu Gikombe cy'Isi cy'Abagore cya 2023.
Ibitego byari ku muvuduko wo hejuru kurusha ibindi mu bimaze gutsindwa mu gikombe cy'Isi cya 2026