Mu rukerera rwo kuri uyu wa Kane ni bwo hakomeje gukinwa imikino yo ku munsi wa nyuma w’amatsinda y’uko gikombe cy’Isi.
Saa Sita z’ijoro ni bwo hari hari imikino yari itegerejwe na benshi aho mu itsinda C ikipe y’igihugu ya Brazil yatsinze Scotland ibitego 3-0. Ni ibitego bya Vinicius Junior ku munota wa 7 na 45+3 ahawe umupira na Bruno Guimaraes na Matheus Cunha ku munota wa 60 ahawe umupira na Bruno Guimaraes.
Muri iri tsinda kandi ikipe y’igihugu ya Morocco ibifashijwemo na Achraf Hakimi, Ismael Saibari, Soufiane Rahimi na Gossime yatsinze Haiti ibitego 4-2. Ibi byahise bituma Brazil yerekeza mu mikino ya 1/16 iyoboye itsinda n’amanota 7 inganya na Morocco ya kabiri. Scotland yasoreje ku mwanya wa 3 n’amanota 3 naho Haiti isoreza ku wa nyuma aho nta nota na rimwe ifite.
Saa Cyenda z’ijoro ho mu itsinda A, Afurika y’Epfo yakinnye na Korea y’Epfo. Iyi kipe y’igihugu ihagarariye umugabane wa Afurika yatsinze igitego 1-0 cya Thapelo Moseko ku munota wa 63 ahawe umupira na Tshepang Moremi.
Muri iri tsinda kandi Mexico yari yarabonye itike mbere yatsinze Czechia ibitego 3-0. Ni ibitego bya Mateo Chavez ku munota wa 55,Julian Quinones ku wa 61 na Alvaro Fidalgo ku wa 90+4.
Mexico yasoje iyoboye itsinda n’amanota 9 naho Afurika y’Epfo yerekeza muri 1/16 iri ku mwanya wa kabiri n’amanota 4. Korea y’Epfo yo yasoreje ku wa 3 aho afite amanota 3 naho Czechia ikaba ku wa nyuma n’inota rimwe.
Mu mikino yo mu itsinda B yo yakinwe Ejo, u Busuwisi bwatsinze Canada ibitego 2-1 naho Bosnia & Herzegovina itsinda Qatar ibitego 3-1.
Muri iri tsinda ho u Busuwusj bwasoreje ku mwanya wa 7 n’amanota, Canada ikaba ku wa Kabiri n’amanota 4, Bosnia & Herzegovina ku wa gatatu nayo n’amanota 4 mu gihe Qatar yo iri ku wa nyuma n’inota rimwe.
Muri rusange ibihugu bimaze gukatisha itike ya 1/16 kugeza ubu ni Argentina, u Budage, u Bufaransa, Norway, u Busuwisi, Canada, Leta Zunze Ubumwe za Amerika, Mexico, Colombia, Morocco, Brazil na Afurika y’Epfo.
Vinicius yishimira intsinzi yatumye bakatisha itike ya 1/16
Neymar yongeye gukinira Brazil nyuma y'iminsi 981
Byari ibyishimo bikomeye ku bakinnyi ba Afurika y'Epfo nyuma yo gukatisha itike ya 1/16 y'Igikombe cy'Isi