Joshua yari yemeye aya mafaranga ubwo yari mu gitaramo ku wa 29 Kanama
2025, nyuma yo kugura Album ya na Nel Ngabo, “Vibranium”.
Muri
icyo gitaramo, Prophete Joshua yahagurutse imbere y’abitabiriye, avuga ati “Platini
yarantumiye, ndavuga nti ngomba kuhagera. Ku bw’ibyo ndaguha miliyoni 5 Frw ejo
saa tatu za mu gitondo.” –Ibyo yavuze siko byagenze kugeza n’ubu.
Ariko
nyuma y’amezi atatu, Prophete Joshua yatangaje ko atazigera atanga ayo
mafaranga ku mpamvu zitandukanye.
Mu
kiganiro yatanze kuri shene ya 3DTV, yavuze ko yakiriwe nabi mu
gitaramo, yicazwa ahantu hatari heza, kandi ko ibyo byatumye atiyumvamo guha
amafaranga yari yemereye Platini na Nel Ngabo.
Prophete
Joshua yanavuze ko yakiriwe n’umuntu wari wasinze, ndetse ko yahagurutse atari ku
bushake bwe ahubwo yabisabwe na Platini. Ibi byatumye abona ko atakwiriye
kubahiriza isezerano rye.
Nyuma
y’ibi, Nel Ngabo yabajijwe icyo atekereza kuri iyi nkuru. Mu kiganiro
n’itangazamakuru nyuma yo kuririmba mu bitaramo bya “Isango na Muzika”
byabereye i Huye, yavuze ko yamenye ibyo Prophete Joshua yavuze.
Ati
“Nabibonye (video ya Prophete Joshua avuga ko atazaduhesha amafaranga). Ku
munsi wo kumurika Album nari mpari, ngiye kumurikira abantu Album, ibikorwa
twari tumazemo iminsi muri studio ni nako kazi kanjye nk’umuhanzi –
kubashimisha no gukorera umuziki.”
Akomeza
avuga ko nta kintu na kimwe afite cyo kongeraho ku byerekeye amafaranga, ariko
yongeraho ubutumwa bwo kubaha no kwubaha Prophete Joshua. Ati “Ndamwubaha cyane,”
Uyu mwuka w’ubwubahane n’ubwiyunge mu muziki ugaragaza ko nubwo hari impaka zishingiye ku mafaranga, Nel Ngabo akomeza gushyira imbere umuziki n’abafana be kurusha amakimbirane cyangwa guhangana ku butunzi.
Nel Ngabo yatangaje ko yubaha Prophète Joshua n’ubwo yavuze ko atazigera abaha Miliyoni 5 Frw yari yabemereye
Nel
Ngabo na Platini bahuje imbaraga bamurika Album yabo ‘Vibranium’ mu gitaramo
gikomeye bakoreye kuri Zaria Court, ku wa 29 Kanama 2025
REBA HANO UBWO PROPHET JOSHUA NA MISS MUTESI JOLLY BATANGA AMAFARANGA KURI PLATINI NA NEL NGABO