Mu
gicuku cyo kuri uyu wa Gatandatu nibwo Imanishimwe Emmanuel wakiniraga ikipe ya
APR FC yafashe indege yerekeza muri Maroc mu ikipe ya Association Sportive des
Forces Armee Royales.
Iyi
kipe y'igisirikare cya Maroc yashinzwe yariki ya mbere Nzeri 1962 ikaba yujuje
imyaka 62. Far Rabat ikinira ku kibuga cya Complexe Sportif Prince Moulay
Abdellah ibarizwa i Rabat. Iki kibuga cyakira abantu bagera ku bihumbi 53,
usibye Far Rabat igikiniraho, ikipe y'igihugu ya Maroc nayo niho yakirira
imikino yayo. Umuyobozi w'iyi kipe yitwa Mohamed Haramou ndetse ikaba itozwa
n'Umubirigi Sven Vandenbroeck wanatoje ikipe ya Simba yo muri Tanzania.
Shampiyona
ya Maroc umwaka w'imikino 2020-21, Far Rabat yashoje iri ku mwanya wa 3
n'amanota 51 ikurikira Raja Casablanca na Wydad Athletic yabaye iya mbere
n'amanota 67.
Imanishimwe
Emmanuel w'imyaka 26, Far Rabat biravugwa ko yamutanzeho Miliyoni 130 aho
batangiye kumukurikirana mu mikino ya CHAN yabereye muri Cameroun muri
Mutarama.
