Iby’ingenzi kuri Captain America na Selena Gomez byemezwa ko bari mu rukundo

Amazina nyayo ni Selena Marie Gomez yamamaye mu muziki na filimi nka Selena Gomez. Yavutse kuwa 22 Nyakanga 1992 bivuze ko afite imyaka 29. Uwo byemezwa ko bari mu rukundo yiswe Christopher Robert Evans. Kuva yatangira gukina muri filimi y’uruhererekane yitwa Marvel benshi batangiye kumwita Captain America. Yavutse kuwa 13 Kamena 1981 bivuze ko afite imyaka 40.

Selena yavukiye muri Leta ya Texas ari naho yakuriye kuri Mandy Teefey na Joel Gomez avukana n’umuvandimwe witwa Gracie Elliot Teefey. Captain America yavukiye Massachussetts kuri G Robert Evans III na Lisa Capuano avukana n’abavandimwe batatu barimo Scott, Carly na Shanna Evans.

Selena afite uburebure bwa metero 1.65, Captain America areshya na metero 1.83. Selena yinjiye mu muziki mu mwaka wa 2002, Captain America yatangiye gukina filimi mu mwaka wa 1997.

Kuva mu 2008, Selena amaze gukundana n’abasore banyuranye barimo umuririmbyi Nick Jonas baje gutandukana akinjira mu rukundo na Justin Bieber. Mu mwaka wa 2010 urukundo rwabo rwagiye rurangwa no gutandukana bya hato na hato kugera batandukanye mu mwaka wa 2018.

Yaje gukundanaho na Dj Zedd ufite inkomoka mu Burusiya n’u Budage hari mu mwaka wa 2015. Muri Mutarama 2017 Selena Gomez yakundanyeho na The Weekend baje gutandukana mu Ukwakira uwo mwaka.

Captain America ubuzima bw’urukundo bwe ntibiba byoroshye kubumenya niyo bivuzwe biba ari ugucyecyeranya n'ubwo harimo mu bakobwa umunani bakundanye abo byagiye byemezwa mbarw. Yavuzwe mu rukundo na Lily James  mu mwaka wa 2020 inkuru yazamuwe no kubabonana mu bihe byiza mu murwa mukuru w’u Bwongereza, London.

Hagati y’umwaka wa 2015 na 2018 yakundanye na Jenny Slate mu rukundo bari bemeje neza mu mpera za 2016 nyamara rwaje kugera ku musozo mu mwaka wa 2018 nyuma y’ibibazo binyuranye bagiye bagirana byatumye hari n'ubwo bamaze amezi 8 baratandukanye muri iyo myaka itari myinshi bamaranye.

Mu mwaka wa 2015 mbere ya Jenny Slate, Captain America yavuzwe mu rukundo na Lily Collin nyuma yo kubabonana kenshi basangira ibihe binyuranye ariko hagati y'aba bombi ntawigeze yemeza ko bakundanye.

Captain America yavuzwe kandi mu rukundo na Sandra Bullok yari yaranemeje ko yishimira mbere y'uko bahura mu mwaka wa 2012 mu birori bya Oscar byaje no kurangira havuzwe ko bakundana mu mwaka wa 2014.

Mu mwaka wa 2011 yavuzwe mu rukundo n’abarimo Ashley Greene bagaragaye bari kubyinana mu kabyiniro kamwe, Captain Amerika kandi mbere gato muri uwo mwaka yari yavuzwe mu rukundo na Dianna Argon.

Mu mwaka wa 2007, no hagati ya 2012 na 2013 havuzwe urukundo hagati ya Minka Kelly na Captain America ndetse bwo byari byaremejwe ko aba bombi bakundana n'ubwo ibihe byiza bagiranaga bitigeze birama mu bihe byose babigerageje.

Captain America yakundanye na Jessica Biel imyaka itari micye ndetse mu mateka y’uyu mugabo uyu niwe mukunzi yagize bamaranye igihe kirekire aho batangiye gukundana mu mwaka wa 2001 bakaza gutandukana mu mwaka wa 2006.

Selena Gomez bikomeje kuvugwa ko ari mu nyanja y’urukundo na none, kuri ubu abarirwa umutungo wa Miliyoni 75 z’amadorali mu gihe Captain America bavugwa mu rukundo abarirwa mu butunzi bw'angana na Miliyoni 80 z’amadorali.

Iby’urukundo rw'aba bombi byatangiye kuvugwa nyuma yaho batangiye gukurikirana ku mbuga nkoranyambaga (following) ikindi cyazamuye aya makuru ni uko aba bombi bivugwa ko bari gukorana ku mushinga wa filimi imwe.

N'ubwo bwose mu mwaka wa 2015 Selena Gomez yumvikanye avuga ko akunda Captain America nk’umukinnyi mwiza wa filimi ariko iby’urukundo rwabo, bombi (Captain na Selena) nta n'umwe uragira icyo abivugaho.

Amafoto akomeje gucicikana yerekana aba bombi basa n'abari ahantu hamwe, nyamara andi byemeza ko ayo mafoto yafashwe mu bihe n’imyaka itandukanye gusa burya ntakabura imvano kandi ntawutwika inzu ngahishe umwotsi.

Imwe mu mafoto bivugwa ko yafatiwe ahantu Captain America na Selena Gomez bari kumwe ariko abavuguruza aya makuru bavuga ko yafashwe mu mwaka wa 2017

Iyi nayo yifashishijwe igaragaza ishusho isa nk'aho ari iya ahantu hamwe byemezwa ko ari hamwe ariko yafashwe mu mwaka wa 2013

Kugera ubu yaba Captain America na Selena Gomez ntawuremeza cyangwa ngo ahakane amakuru akomeje gufata intera y'urukundo rw'aba bombi baherutse ngo gusangira amafunguro