N'ubwo nta muntu waburiye ubuzima mu nkongi yibasiye Isoko rinini rya Musanze rizwi GOICO Plaza ryahiye rigakongoka ku gicamunsi cyo ku wa Gatandatu tariki ya 10 Ukwakira 2026, Goverineri w'Intara y'Amajyaruguru, Mugabowagahunde Maurice, yavuze ko kugeza ubu habarurwa ibifite agaciro k'asaga miliyari 30 Frw n'ubwo iperereza rigokomeje.
Yagize ati: "Imibare y'ibanze yabonetse yerekana ko muri iri soko hari ibicuruzwa bifite agaciro ka miliyari 30 n'amafaranga y'u Rwanda. Gusa igiciro nyacyo cy'ibyangiritse kizamenyekana kandi kizatangazwa igihe iperereza kuri iyo mpanuka rizaba rirangiye."
Yakomeje agira inama abacuruzi n'abandi bafite inyubako cyane cyane izikorerwamo n'abantu benshi gushishikarira kugira ubwishingizi bw'ibyabo kugira ngo bagobokwe mu gihe cy'amage ndetse asaba abaturage bose kwirinda ibintu byose byateza impanuka kuko zishobora no guteza ibihombo kugeza no ku mpfu.
Isoko rya GOICO ryubatswe mu 2017 na sosiyete Gorilla Investment Company, (GOICO), ihuriyemo abikorera 89 bo mu Karere ka Musanze. Ryatwaye amafaranga agera kuri Miliyari 7,5 z’amafaranga y’u Rwanda.
Isoko rinini rya Musanze ryarahiye rirakongoka ritikiriramo ibifite agaciro karenga Miliyari 30 Frw