Kugona bishobora kubangamira imiryamire y'umugabo ndetse n'umugore, bikabangamira abana ndetse n'abashyitsi mu gihe ijwi ryawe ryabaye rinini cyane. Kugona ni ikimenyetso cy'uko uryamye nabi nk'uko tugiye kubirebera hamwe.
Iyo umwuka wagasohotse utezwe, nibwo umuntu agona kuko ni bwo hatangira kwirema amajwi agasohoka mu buryo budasanzwe.
ESE NI IKI GITERA UKU KUGONA ?
1. Kugira ibiro byinshi
Mu gihe ubyibushye cyane bituma umwuka uca mu ngoto yawe ubangamirwa ugasohokana amajwi twagarutseho hejuru, ugatangira kugona.
2.Kuryamira umugongo
Mu gihe wowe uryamira umugongo nabyo bishobora gutuma ubatwa n'indwara yo kugona bikabije. Iyo uryamye ugaramye, ururimi rwawe rurasohoka rukaba rwafata umwuka bigatuma ugona.
3.Kunywa inzoga cyangwa ibiyobyabwenge
Ibintu biyobya ubwenge cyangwa inzoga nabyo bituma ugona mu gihe uryamye usinziriye haba ku manywa cyangwa nijoro.
4.Gufungana kw'amazuru
Mu gihe ufite ikibazo cyo gufungana kw'amazuru yawe, bizagorana kuko utazabasha guhumeka neza bitume ufurura cyane dore ko uzaba udahari ngo ubiyobore.
5.Imyaka
Ikinyamakuru Vocal Media dukesha iyi nkuru, kigaragaza ko imyaka nayo igira uruhare mu gikorwa cyo kugona.
HARI IBINTU WAKORA UKABASHA KWIRINDA KUGONA KUKO BIBANGAMIRA BENSHI
Ikintu cya mbere usabwa gukora ni uguhindura uburyamiro. Niba waryamiraga umugongo ugahitamo kuryamira urundi ruhande.
Gabanya kunywa ibiyobyabwenge cyangwa inzoga.
Sukura mu mazuru yawe, uhagirire isuku.
Shaka uko wagabanya ibiro.
Kugona bituma umuntu ataryama neza kandi n'uwo muri kumwe biramubangamira. Ni igikorwa umuntu akora atabizi ariko ushobora kugira uruhare mu kugihagarika.