Ibintu 5 umukinnyi wa Filime akwiye kugendera kure

Ikinyamakuru Stage Milk cyatangaje ibintu by’ingenzi byo kwirinda igihe cyose ubarizwa mu mwuga wo gukina filime, wubaka izina rizima ryatanga umusaruro

        1.  Intonganya

Kuba umukinnyi wa filime mwiza bisaba kuba wumva byihuse inama n’amabwiriza uhabwa n’abayobozi bawe cyangwa abakurikirana ibikorwa byawe igihe filime yawe iyoborwa n’abandi.

Igihe wifuza kuba umukinnyi mwiza wa filime irinde intonganya no kubaza byinshi ku mabwiriza uhabwa n’abakuyobora, ahubwo ukore neza inshingano wa hawe muri filime ugiye gukina

       2.    Gira ubushuti buhamye n’abo mukinana

Yego gukina filime ni akazi uhemberwa. Nyamara, ubushuti bwihariye n’abo mukinana butuma ibyo mwahawe gukinamo bigenda neza binyuze mu mubano mwiza mufitanye nk’abakinnyi, aho guhuzwa na filime gusa bikarangirira aho.

       3.     Guhangayikira amafaranga

Gukina filime bibyara inyungu igihe wabyinjiyemo ubikunze kandi ubishoboye, ku buryo biguhindukira nk’ubuzima bwawe bwa buri munsi amafaranga n’izindi nyungu bikaza nyuma. Batangaza ko udakwiye guhangayikishwa n’amafaranga ukeneye binyuze muri filime uri gukina aho guhangayikishwa no kuba mwiza mu kazi kawe.

        4.     Gumana icyubahiro cyawe aho kugitakaza

Mu by'ukuri biragora kumvisha abantu bagukurikira ukina filime ko imico yawe ihabanye n’ibyo ukina rimwe na rimwe.

Abantu bakunze kubona abakinnyi ba filime mu isura y’ibyo bakinamo. Niba ukina uri umwicanyi, baragutinya batekereza ko wabagirira nabi. Niba ukina urwana bashobora ku kubona bakiruka kuko batekerezako urangwa n’ibikorwa bo kugira nabi.

Ariko umukinnyi wa filime akwiye kuzirikana we wa nyawe no kuzirikana akazi akora, ntikamuhindure, ahubwo akazirikana ko ari inyigisho atanga zitandukanye atagomba kwisanisha nazo cyane cyane igihe zivuga ku mico mibi.

Igihe abakinnyi ba filime bakina bakora ibikorwa bibi, bakwiye no gusoza bagaragaza ingaruka zabyo kugirango aba bakurikira babone inyigisho zabafasha.

         5.     Umva inama

Denzel Washington umukinnyi wa filime muri Amerika, ni umwe mu bakinnyi bakomeye watangaje ko inama  ari ingirakamaro mu kwaguka mu byo ukora

Kwamamara no kubaka izina rikomeye ntibikuraho ko ugikeneye inshuti zikuba hafi zikugira inama mu kazi kawe ka buri munsi.

Batangaza ko umukinnyi wa filime akeneye ubujyanama bwimbitse bitewe nuko byinshi bimuzengurutse bishobora kumwangiza binyuze mu izina atekereza ko yubatse.

Gukina filime bishobora kugira ingaruka nziza cyangwa mbi ku bazikurikira ndetse n'abazikina. Nyamara inama zihabwa uyu muntu winjiye mu mwuga  wa filime, zakagombye gushingira ku mwuga we, ubuzima bwe bwite n'uburyo yahuza akazi n'imico ye ntihagire ibyangirika.

Kumva inama ziturutse kuri bamwe bakuba hafi ni ingenzi mu gukomeza gusigasira ibyiza wagezeho no kwirinda bimwe bishobora kwangiza umwuga wawe wo gukina filime.