Ibihugu by’Afurika 10 bifite amafaranga afite agaciro kurusha ayandi muri Gicurasi 2026

Nk'uko tubikesha ikinyamakuru Business Insider Africa, raporo zitandukanye zigaragaza ko muri Gicurasi 2026, amafaranga yo muri Tunisia, Libya na Maroc ari yo akomeje kuyobora urutonde rw’amafaranga afite agaciro kanini ugereranyije n’idolari rya Amerika.

Abasesenguzi bavuga ko kugira ifaranga rikomeye akenshi bishingira ku bintu birimo ubukungu buhamye, igenzura ry’ifaranga rikorwa na banki nkuru y’igihugu, umusaruro w’ibyoherezwa mu mahanga, ndetse n’icyizere abashoramari bafitiye igihugu.

Dore ibihugu 10 bya Afurika bifite amafaranga afite agaciro kurusha andi muri Gicurasi 2026:

N'ubwo aya mafaranga agaragara nk’afite agaciro kanini ugereranyije n’idolari, impuguke mu by’ubukungu zigaragaza ko agaciro k’ifaranga kadakwiye gupimwa gusa n’umubare w’amafaranga asabwa kugira ngo haboneke idolari rimwe.

Icy’ingenzi kurushaho ni uko ifaranga rihamye, ridata agaciro vuba kandi abaturage bagakomeza kugira ubushobozi bwo kugura ibikenewe mu buzima bwa buri munsi.

Mu minsi ishize, amafaranga amwe nka Ama edi ya Ghana yagaragaje igitutu ku masoko y’ivunjisha bitewe n’ubwiyongere bwo kwifuza amadolari, mu gihe ibindi bihugu nka Zambia byagaragaje kuzamuka kw’agaciro k’ifaranga ryabyo kubera ubucukuzi bw’amabuye y’agaciro n’ivugurura ry’ubukungu.

Ibi byose byerekana ko imbaraga z’ifaranga zishingira ku mikorere y’ubukungu bw’igihugu ndetse n’uburyo rigenzurwa, aho kuba gusa ku mubare ugaragara mu ivunjisha.