Telefone ya ZTE Blade A36 ifite ekara ya 6.7-inch iri immersive, batiri ikomeye ifite ubushobozi bwa 5000mAh, ububiko bwa 64GB ndetse na kamera y’inyuma ya 13MP. Yagenewe abakiriya bifuza guhora basabana n’ababo, gukorera kuri telefone no kwidagadura mu buryo bworoshye.
Mu rwego rwo gutanga ibirenze nk’uko ari kamere ya Airtel, abakiriya bazagurira iyi telefone ku mashami ya Airtel bazahabwa iminota yo guhamagara ukwezi kose ku mirongo yose ndetse na 1GB ya internet buri munsi mu gihe cy’iminsi 30.
Iki gikorwa kije gishimangira umuhate wa Airtel Rwanda mu kuzamura imikoreshereze ya telefone zigezweho no guteza imbere ibikorwa bya dijitari ku Banyarwanda bose.
Ni gahunda ije kongera imbaraga ku muhigo wa Airtel Rwanda witwa “HITAMO IBIRENZE”, igamije guha abakiriya ububasha n’umwidengembyo mu itumanaho ku biciro bitagoranye, mu buryo bworoshye ndetse no kubafasha kugera ku zindi serivisi za dijitari.
Abakiriya ba Airtel Rwanda bungukira byinshi muri gahunda ya “HITAMO IBIRENZE”, birimo umuyoboro wa 4G ugera ku kigero cya 100% mu Rwanda hose, utanga itumanaho ryihuse kandi ryizewe.
Banahabwa amahirwe yo kubona telefone zigezweho {Smartphones} ku giciro cyiza, haba kugura ZTE Blade A36 icyarimwe cyangwa kuyishyura mu byiciro ku mashami ya Airtel.
Iyi gahunda kandi irimo serivisi ya #NiZero ituma kohereza amafaranga ku mirongo yose no kuri banki bikorwa ku buntu hakoreshejwe Airtel Money. Hari kandi paki zihendutse zo guhamagara no gukoresha internet, ziva kuri 100 Frw kugeza kuri 5,000 Frw, ndetse na My Airtel App ifasha abakiriya kugura serivisi bakeneye mu buryo bwihuse kandi bworoshye.
Airtel Rwanda ivuga kandi ko yashyizeho ingamba zikomeye zo gukumira no kurinda abakiriya ubwambuzi n’uburiganya, ibintu bigaragaza agaciro iha umutekano w’abakiriya bayo.
Agaruka kuri ubu bufatanye, Umuyobozi Mukuru wa Airtel Rwanda, Sujay Chakrabarti, yavuze ko iri murika rigamije gushyira ahabona umuhigo udasubirwaho wa Airtel wo guha abakiriya bayo ibirenze.
Yagize ati: “Muri Airtel Rwanda, twemera ko ikoranabuhanga rya dijitari ritagenewe abantu mbarwa ahubwo ko buri wese akwiriye kurikoresha. Binyuze muri gahunda yacu ya ‘HITAMO IBIRENZE’, twiyemeje guha abakiriya bacu byinshi birenze mu itumanaho ku biciro bitagoranye, mu buryo bworoshye, n’amahirwe menshi yo kugira uruhare mu bukungu bushingiye ku ikoranabuhanga rya dijitari mu Rwanda. Ubufatanye bwacu na ZTE ni ikimenyetso kibigaragaza binyuze mu kugeza telefone nziza kuri buri wese ku giciro cyiza, bityo bigafasha Abanyarwanda benshi kurushaho kugera ku byiza byinshi umunsi ku wundi.”
Yakomeje avuga ko ubu bufatanye bushimangira icyizere n’icyerekezo bihuriweho na Airtel Rwanda na ZTE mu gukuraho icyuho kikigaragara mu bikorwa bya dijitari, aho impande zombi zahuje imbaraga mu gushaka ibisubizo bifasha abaturage benshi.
Yongeyeho ati: “ZTE imaze imyaka irenga icumi ari umufatanyabikorwa wizewe wa Airtel mu bijyanye n’ikoranabuhanga mu itumanaho n’ibikorwa bya dijitari mu masoko yacu yose.”
Ku ruhande rwa ZTE, Umuvugizi wayo yavuze ko iki kigo gikomeje kwiyemeza gukora no gushyiraho ikoranabuhanga rigezweho rituma ibyiza bya dijitari bigera kuri buri wese.
Yagize ati: “Ku bufatanye bwacu na Airtel Rwanda, twishimiye kugeza ZTE Blade A36 ku bakiriya mu gihugu cyose. Iyi telefone ni nziza, irahendutse kandi yagenewe gufasha abayitunze mu buzima bwa buri munsi.”
Telefone ya ZTE Blade A36 iboneka mu mashami yose ya Airtel mu Rwanda, aho abakiriya bashobora kuyigura icyarimwe cyangwa bakayishyura mu byiciro binyuze muri serivisi zitandukanye za Airtel.
Airtel Rwanda na ZTE kandi batangaje ko bafite gahunda yo gukomeza kwagura ubu bufatanye, bongera amoko ya telefone zigezweho zigenewe ibyiciro bitandukanye by’abakiriya, harimo n’izifite ubushobozi bwo hejuru kurushaho.
Ibi bikorwa byose bizakomeza korohereza abakiriya kubona smartphones ku buryo buboroheye, harimo no kwishyura mu byiciro bakoresheje Airtel Money, mu rwego rwo gukomeza guteza imbere ikoreshwa ry’ikoranabuhanga rya dijitari mu Rwanda.
Airtel Rwanda yifatanyije na ZTE mu kugeza Smartphones ku banyarwanda binyuze muri gahunda ya “HITAMO IBIRENZE”
Umuyobozi Mukuru wa Airtel Rwanda, Sujay Chakrabarti, yavuze ko iri murika rigamije gushyira ahabona umuhigo udasubirwaho wa Airtel wo guha abakiriya bayo ibirenze
Airtel Rwanda yiyemeje guha abakiriya bayo Ibirenze
Anita Pendo ni umwe mu bitabiriyte igikorwa cyo kumurika gahunda ya Airtel Rwanda ya “HITAMO IBIRENZE”
Telefone ya ZTE Blade A36 iboneka hose mu gihugu ku giciro cyiza cya 119,000 Frw