Nk’uko UEFA ibisobanura
mu ngingo ya 63 y’amategeko n’amabwiriza agenga itagwa ry'amakarita, aya mategeko y’iri rushanwa ateganya
ko umukinnyi ahagarikwa umukino umwe iyo abonye amakarita ane y’umuhondo mbere
ya 1/2 cy’irangiza.
Iri tegeko ritangira mu
mikino y’icyiciro cya shampiyona, rigakomeza kugeza ku mikino ya 1/4
cy’irangiza. Nyuma y’icyo cyiciro, amakarita y’umuhondo umukinnyi aba yarabonye
arasibwa, ku buryo atakomeza guhagarikwa kubera yo.
Aya mategeko anakoreshwa
muri UEFA Europa League na UEFA Conference League.
Marlon Gomes ni we uri
hafi guhagarikwa
Umukinnyi wo hagati wa
Shakhtar Donetsk, Marlon Gomes, amaze kubona amakarita atatu y’umuhondo. Ibi
bivuze ko asigaje ikarita imwe gusa kugira ngo ahagarikwe umukino umwe.
Abandi bakinnyi 16 bamaze
kubona amakarita abiri y’umuhondo, bivuze ko basigaje amakarita abiri kugira
ngo bahagarikwe hakurikijwe iri tegeko.
Urutonde rw’abakinnyi
bafite amakarita menshi y’umuhondo
Abakinnyi bafite
amakarita atatu
Marlon Gomes (Shakhtar
Donetsk)
Abakinnyi bafite
amakarita abiri
- Akim Zedadka (Sabah)
- Alvaro Carreras (Real Madrid)
- Armando Obispo (PSV Eindhoven)
- Charles Vanhoutte (Feyenoord)
- Felix Lemarechal (Club Brugge)
- Giovanni Di Lorenzo (Napoli)
- Hakan Calhanoglu (Inter Milan)
- Ismail Jakobs (Galatasaray)
- Ismail Yuksek (Fenerbahce)
- Ivan Lepinjica (Sabah)
- Jan Virgili (Club Brugge)
- Josko Gvardiol (Manchester City)
- Kai Havertz (Arsenal)
- Santiago Mourino (Villarreal)
- Sergino Dest (PSV Eindhoven)
- Steve Solvet (Sabah)
Muri aba bakinnyi, harimo
Kai Havertz wa Arsenal na Josko Gvardiol wa Manchester City, bashobora gusiba
ku mukino ukomeye mu gihe bakomeza guhabwa amakarita y’umuhondo.
Amakarita atukura na yo
ashobora gutuma umukinnyi ahagarikwa
Uretse amakarita
y’umuhondo, umukinnyi uhawe ikarita itukura ahita ahanishwa guhagarikwa umukino
umwe, nubwo UEFA ishobora kongera igihano bitewe n’uburemere bw’ikosa yakoze,
cyane cyane mu gihe habayeho urugomo.
Michael Olise wa Bayern
Munich ni urugero rw’umukinnyi utarakinnye umukino ikipe ye yahuriyemo na
Arsenal, nyuma yo guhabwa ikarita itukura mu mukino wabanje na Viking.
Nanone, umukinnyi
ashobora guhagarikwa igihe ageze ku makarita atandatu, umunani cyangwa icumi
y’umuhondo. Iyo ageze kuri buri mubare ungana n’igiharwe cy’amakarita abiri
nyuma ya ane, ahanishwa guhagarikwa umukino umwe.